ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠭᠡᠷ ᠲᠤ ᠵᠤᠴᠢᠯᠠᠬᠤ ᠮᠣᠩᠭᠤᠯ ᠣᠯᠠᠮᠵᠢᠯᠠᠯᠲᠣ ᠶᠤᠰᠤ ᠵᠠᠩᠰᠢᠯ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2019-07-03
       ᠬᠦᠳᠡᠭᠡ ᠠᠶᠠᠯᠠᠨ ᠵᠤᠭᠠᠯᠠᠵᠦ ᠶᠠᠪᠤᠬᠤ ᠳᠠᠭᠠᠨ ᠣᠯᠠᠮᠵᠢᠯᠠᠯᠲᠣ ᠬᠡᠪ ᠮᠠᠶ᠋ᠢᠭ ᠢᠶᠠᠷ ᠢᠶᠠᠨ ᠠᠮᠢᠳᠤᠷᠠᠵᠤ ᠪᠤᠢ ᠠᠶᠢᠯ ᠳᠤ ᠵᠤᠴᠢᠯᠠᠬᠤ ᠳᠤ ᠪᠠᠨ ᠪᠡᠶ᠎ᠠ ᠪᠠᠨ ᠬᠡᠷᠬᠢᠨ ᠠᠪᠴᠣ ᠶᠠᠪᠤᠬᠤ ᠶᠢ ᠬᠡᠣᠬᠡᠳ ᠲᠡᠭᠡᠨ ᠵᠢᠭᠠᠵᠤ ᠦᠭᠭᠦᠭᠡᠷᠡᠢ᠃        ᠶᠠᠮᠠᠷ ᠴᠦ ᠬᠦᠮᠦᠨ ᠠᠶᠢᠯ ᠳᠤ ᠣᠷᠣᠬᠤ ᠳᠠᠭᠠᠨ ᠮᠠᠯᠠᠭᠠᠢ ᠡᠮᠦᠰᠬᠦ ᠡᠰᠡᠪᠡᠯ ᠠᠯᠴᠢᠭᠤᠷ ᠪᠤᠭᠤᠵᠣ ᠣᠷᠢᠶᠠᠬᠤ ᠪᠦᠭᠡᠳ ᠲᠤᠯᠤᠭᠠᠢ ᠨᠢᠴᠦᠭᠦᠨ᠂ ᠦᠰᠦ ᠪᠠᠨ ᠰᠡᠭᠰᠡᠶᠢᠯᠭᠡᠵᠤ ᠣᠷᠤᠳᠠᠭ ᠦᠭᠡᠢ᠃ ᠳᠡᠪᠡᠯ ᠬᠤᠪᠴᠠᠰᠤᠨ  ᠤ ᠡᠩᠭᠡᠷ ᠵᠠᠭᠠᠮ᠎ᠠ ᠶᠢ ᠪᠦᠷᠢᠨ ᠳᠤᠪᠴᠢᠯᠠᠵᠤ᠂ ᠪᠦᠰᠡᠨ ᠳᠡᠭᠡᠨ ᠬᠠᠪᠴᠢᠭᠤᠯᠤᠭᠠᠰᠤᠲᠠᠢ ᠬᠢᠳᠤᠭ᠎ᠠ ᠬᠡᠳᠡ ᠪᠠᠨ ᠪᠠᠭᠤᠯᠭᠠᠵᠣ ᠭᠡᠷ ᠲᠤ ᠣᠷᠣᠨ᠎ᠠ᠃ ᠪᠠᠷᠠᠭᠤᠨ ᠲᠠᠯ᠎ᠠ ᠶᠢᠨ ᠬᠦᠯ ᠠᠴᠠ ᠡᠬᠢᠯᠡᠨ ᠪᠤᠱᠤᠭ᠎ᠠ ᠳᠤ ᠬᠦᠯ ᠢᠶᠠᠨ ᠬᠦᠷᠭᠡᠯ ᠦᠭᠡᠢ ᠪᠠᠷ ᠠᠯᠬᠤᠨ ᠣᠷᠤᠳᠠᠭ ᠶᠤᠰᠤᠲᠠᠢ᠃ ᠵᠣᠴᠢᠨ ᠭᠡᠷ ᠠᠴᠠ ᠭᠠᠷᠬᠤ ᠦᠶ᠎ᠡ ᠳᠤ ᠪᠤᠱᠤᠭ᠎ᠠ ᠳᠤ ᠲᠡᠭᠡᠭᠯᠡᠪᠡᠯ ᠲᠡᠷᠨ ᠭᠡᠷ ᠠᠴᠠ ᠭᠠᠷᠤᠵᠠ ᠬᠤᠬᠢᠷᠠᠯ ᠭᠠᠷᠣᠨ᠎ᠠ ᠭᠡᠵᠦ ᠦᠵᠡᠳᠡᠭ ᠣᠴᠢᠷ ᠠᠴᠠ ᠪᠣᠴᠠᠵᠣ ᠣᠷᠣᠭᠠᠳ ᠭᠠᠯ ᠳᠤ ᠨᠢ ᠨᠢᠭᠡ ᠲᠦᠯᠡᠭᠡ ᠨᠡᠮᠡᠨ᠎ᠡ᠃ ᠡᠰᠡᠷᠭᠦ ᠪᠠᠷ ᠭᠡᠷ ᠲᠤ ᠣᠷᠣᠬᠤ ᠦᠶ᠎ᠡ ᠳᠤ ᠪᠤᠱᠤᠭ᠎ᠠ ᠳᠤ ᠲᠡᠭᠡᠭᠯᠡᠭᠰᠡᠨ ᠪᠤᠯ ᠲᠡᠷᠡ ᠠᠶᠢᠯ ᠳᠤ ᠣᠯᠵᠠ ᠣᠷᠤᠵᠤ ᠢᠷᠡᠬᠦ ᠨᠢ ᠭᠡᠵᠦ ᠪᠡᠯᠭᠡᠰᠢᠶᠡᠳᠡᠭ᠃        ᠠᠶᠢᠯ ᠭᠡᠷ ᠤᠨ ᠣᠷᠢᠳᠠᠭᠤᠷ ᠮᠤᠷᠢ ᠲᠠᠢ ᠪᠠᠨ ᠣᠨᠤᠭ᠎ᠠ ᠬᠦᠰᠭᠡ ᠲᠠᠢ ᠪᠠᠨ ᠬᠦᠨᠳᠡᠯᠡᠨ ᠦᠩᠭᠡᠷᠡᠳᠡᠭ ᠦᠭᠡᠢ᠃ ᠭᠡᠷ ᠤᠨ ᠡᠮᠦᠨ᠎ᠡ ᠠᠴᠠ᠂ ᠵᠡᠭᠦᠨ᠂ ᠵᠡᠭᠦᠨ ᠡᠮᠦᠨ᠎ᠡ ᠠᠴᠠ ᠠᠶᠢᠯ ᠳᠤ ᠪᠠᠭᠤᠳᠠᠭ ᠦᠭᠡᠢ᠃         ᠵᠤᠴᠢᠯᠠᠵᠤ ᠶᠠᠪᠣᠭ᠎ᠠ ᠬᠦᠮᠦᠰ ᠣᠯᠠᠭᠤᠯᠠ ᠪᠠᠨ ᠪᠤᠯ ᠠᠬᠠᠮᠠᠳ ᠢ ᠪᠠᠨ ᠬᠦᠯᠢᠭᠡᠯᠵᠡᠨ ᠠᠷᠣ ᠠᠴᠠ ᠨᠢ ᠳᠠᠭᠠᠵᠣ ᠶᠠᠪᠣᠬᠤ ᠪᠦᠭᠡᠳ ᠠᠬᠠᠮᠠᠳ ᠠᠴᠠ ᠲᠦᠷᠦᠭᠦᠯᠡᠵᠤ ᠠᠶᠢᠯ ᠳᠤ ᠣᠷᠤᠳᠠᠭ ᠶᠤᠰᠤ ᠦᠭᠡᠢ᠃ ᠭᠡᠷ ᠤᠨ ᠵᠦᠭ ᠠᠯᠬᠤᠵᠦ ᠶᠠᠪᠤᠬᠤ ᠳᠠᠭᠠᠨ ᠰᠢᠪᠢᠷ ᠠᠪᠢᠷ ᠶᠠᠷᠢᠯᠴᠠᠬᠤ᠂ ᠢᠨᠢᠶᠠᠯᠳᠦᠬᠦ᠂ ᠨᠢᠷᠣᠭᠤ ᠪᠠᠨ ᠡᠭᠦᠷᠴᠤ ᠶᠠᠪᠣᠬᠤ᠂ ᠢᠰᠬᠡᠷᠬᠦ ᠵᠡᠷᠭᠡ ᠶᠢ ᠮᠠᠰᠢᠳᠠ ᠴᠡᠭᠡᠷᠯᠡᠳᠡᠭ᠃ ᠠᠶᠢᠯ ᠤᠨ ᠭᠠᠳᠠᠭ᠎ᠠ ᠪᠠᠶᠢᠬᠤ ᠣᠷᠭ᠎ᠠ᠂ ᠰᠢᠯᠪᠢᠭᠦᠷ᠂ ᠨᠣᠬᠠᠢ ᠶᠢᠨ ᠢᠳᠡᠭᠦᠷᠢ ᠲᠡᠭᠡᠭᠦᠷ ᠠᠯᠬᠤᠵᠦ ᠭᠠᠷᠳᠠᠭ ᠦᠭᠡᠢ᠃ ᠬᠡᠷᠪᠡ ᠠᠶᠢᠯ ᠤᠨ ᠡᠭᠦᠳᠡᠨ ᠳᠤ ᠣᠯᠠᠭᠠᠨ ᠶᠠᠭᠤᠮ᠎ᠠ ᠣᠶᠠᠭᠰᠠᠨ᠂ ᠳᠡᠭᠡᠰᠦ ᠳᠠᠳᠠᠭᠰᠠᠨ ᠪᠠᠶᠢᠪᠠᠯ ᠬᠦᠯ ᠴᠡᠭᠡᠷ ᠲᠠᠢ ᠠᠶᠢᠯ ᠪᠤᠯᠬᠤ ᠲᠣᠯᠠ ᠣᠷᠤᠳᠠᠭ ᠦᠭᠡᠢ ᠶᠤᠰᠤᠲᠠᠢ᠃ ᠪᠠᠰᠠ ᠡᠳᠣᠷ ᠢᠶᠠᠷ ᠡᠷᠦᠬᠡ ᠪᠠᠨ ᠪᠦᠲᠦᠭᠡᠭᠰᠡᠨ ᠪᠤᠶᠤ ᠬᠤᠰᠢᠭᠤᠯᠳᠠᠭᠰᠠᠨ ᠪᠠᠶᠢᠪᠠᠯ ᠲᠤᠬᠠᠢ ᠶᠢᠨ ᠠᠶᠢᠯ ᠳᠤ ᠣᠷᠤᠳᠠᠭ ᠦᠭᠡᠢ᠃         ᠭᠡᠷ ᠤᠨ ᠡᠵᠡᠨ ᠤ ᠵᠠᠯᠠᠭᠰᠠᠨ ᠳᠡᠭᠡᠭᠰᠢ ᠵᠦᠭ ᠲᠤ ᠰᠠᠭᠤᠬᠤ ᠪᠦᠭᠡᠳ ᠬᠤᠶᠢᠮᠣᠷ ᠭᠤᠣᠯᠯᠠᠨ ᠰᠠᠭᠤᠳᠠᠭ ᠦᠬᠡᠢ᠃ ᠶᠠᠪᠠᠭᠠᠨ ᠰᠠᠭᠤᠬᠤ᠂ ᠦᠷᠦᠭᠡᠯᠳᠦᠵᠤ ᠰᠠᠭᠤᠬᠤ᠂ ᠠᠯᠴᠠᠶᠢᠵᠤ ᠰᠠᠭᠤᠬᠤ᠂ ᠰᠠᠭᠤᠵᠤ ᠪᠠᠶᠢᠬᠤ ᠳᠠᠭᠠᠨ ᠰᠦᠪᠡᠭᠡ ᠪᠠᠨ ᠲᠤᠯᠬᠤ᠂ ᠣᠷᠤ ᠪᠠᠷᠠᠭ᠎ᠠ ᠳᠦᠰᠢᠵᠣ ᠨᠠᠯᠠᠬᠤ᠂ ᠬᠦᠯ ᠢᠶᠠᠨ ᠵᠢᠭᠢᠬᠦ᠂ ᠡᠯᠢᠭᠡ ᠪᠠᠨ ᠡᠪᠬᠡᠬᠦ ᠵᠡᠷᠭᠡ ᠨᠢ ᠵᠣᠬᠢᠰ ᠦᠭᠡᠢ᠃ ᠣᠯᠠᠭᠤᠯᠠ ᠪᠠᠨ ᠦᠶ᠎ᠡ ᠳᠤ ᠠᠶᠢᠯ ᠭᠡᠷ ᠤᠨ ᠡᠵᠡᠨ ᠬᠦᠮᠦᠨ ᠲᠠᠢ ᠶᠠᠷᠢᠯᠴᠠᠬᠤ ᠠᠴᠠ ᠪᠢᠰᠢ ᠪᠡᠶ᠎ᠡ ᠪᠡᠶ᠎ᠡ ᠲᠠᠢ ᠪᠠᠨ ᠣᠨᠴᠠᠭᠠᠶᠢᠷᠠᠵᠦ ᠶᠠᠷᠢᠯᠴᠠᠬᠤ᠂ ᠬᠤᠭᠤᠷᠤᠨᠳᠤ ᠪᠠᠨ ᠢᠨᠢᠶᠠᠯᠳᠦᠬᠦ᠂ ᠡᠯᠳᠡᠪ ᠶᠠᠭᠤᠮ᠎ᠠ ᠳᠤᠣᠭᠠᠷᠭᠠᠬᠤ ᠂ ᠠᠶᠢᠯ ᠤᠨ ᠡᠳ᠋ ᠶᠠᠭᠤᠮᠠᠰ ᠢᠶᠠᠷ ᠲᠤᠷ᠎ᠠ ᠪᠠᠷ ᠢᠶᠠᠨ ᠣᠷᠤᠯᠳᠤᠬᠤ᠂ ᠠᠬᠠᠮᠠᠳ ᠨᠠᠰᠤ ᠲᠠᠢ ᠬᠦᠮᠦᠰ ᠤᠨ ᠡᠮᠦᠨᠡᠭᠦᠷ ᠭᠠᠷᠬᠤ ᠵᠡᠷᠭᠡ ᠨᠢ ᠵᠣᠬᠢᠰ ᠦᠭᠡᠢ᠃        ᠭᠡᠷ ᠤᠨ ᠡᠵᠡᠭᠳᠡᠢ ᠠᠴᠠ ᠴᠠᠢ ᠢᠷᠡᠬᠦ ᠳᠤ ᠵᠠᠪᠠᠯ ᠨᠢᠭᠡ ᠣᠳᠠᠭ᠎ᠠ ᠠᠮᠰᠠᠭᠰᠠᠨ ᠤ ᠳᠠᠷᠠᠭ᠎ᠠ ᠰᠢᠷᠡᠭᠡᠨ ᠲᠡᠭᠡᠷ᠎ᠡ ᠲᠠᠯᠪᠢᠨ᠎ᠠ᠃ ᠲᠠᠪᠠᠭ ᠲᠠᠢ ᠢᠳᠡᠭᠡ ᠪᠠᠷᠢᠪᠠᠯ ᠵᠡᠭᠦᠨ ᠡᠪᠦᠳᠦᠭ ᠳᠡᠭᠡᠷ᠎ᠡ ᠪᠠᠨ ᠲᠠᠯᠪᠢᠵᠤ ᠪᠠᠶᠢᠭᠠᠳ ᠨᠢᠭᠡ ᠣᠳᠠᠭ᠎ᠠ ᠠᠮᠰᠠᠬᠤ ᠪᠠᠷ ᠵᠦᠢᠯ ᠠᠪᠤᠭᠠᠳ ᠲᠠᠷᠠᠭ᠎ᠠ ᠶᠢᠨ ᠬᠦᠮᠦᠨ ᠳᠤ ᠬᠤᠶᠠᠷ ᠭᠠᠷᠳᠠᠨ ᠲᠠᠮᠵᠢᠭᠤᠯᠤᠨ᠎ᠠ᠃ ᠬᠡᠷᠪᠡ ᠠᠮᠰᠠᠮᠠᠷ ᠦᠭᠡᠢ ᠪᠠᠶᠢᠭ᠎ᠠ ᠪᠤᠯ ᠲᠠᠪᠠᠭ ᠤᠨ ᠪᠠᠷᠠᠭᠤᠨ ᠲᠠᠯ᠎ᠠ ᠳᠤ ᠭᠠᠷ ᠢᠶᠠᠨ ᠬᠦᠷᠭᠡᠨ᠎ᠡ᠃ ᠭᠡᠷ ᠠᠴᠠ ᠭᠠᠷᠬᠤ  ᠳᠠᠭᠠᠨ ᠲᠠᠪᠠᠭ ᠲᠠᠢ ᠢᠳᠡᠭᠡᠨ ᠠᠴᠠ ᠵᠠᠪᠠᠯ ᠶᠠᠮᠠᠷ ᠨᠢᠭᠡᠨ ᠶᠠᠭᠤᠮ᠎ᠠ ᠠᠪᠴᠣ ᠠᠮᠠᠨ ᠳᠠᠭᠠᠨ ᠬᠢᠭᠡᠳ ᠭᠠᠷᠬᠤ ᠪᠦᠭᠡᠳ ᠡᠨᠡ ᠨᠢ ᠲᠠᠨ ᠤ ᠳᠤ ᠣᠷᠤᠵᠤ ᠢᠷᠡᠭᠰᠡᠨ ᠴᠠᠭ ᠠᠴᠠ ᠪᠠᠨ ᠠᠪᠬᠠᠭᠤᠯᠤᠭᠠᠳ ᠭᠠᠷᠬᠤ ᠬᠦᠷᠳᠡᠯ᠎ᠡ ᠰᠠᠶᠢᠬᠠᠨ ᠲᠠᠶᠢᠯᠠᠭᠤᠯᠵᠣ ᠵᠣᠴᠢᠯᠠᠭᠤᠯᠣᠯ᠎ᠠ ᠭᠡᠰᠡᠨ ᠣᠳᠬ᠎ᠠ ᠶᠤᠮ᠃ ᠴᠠᠢ ᠣᠣᠭᠤᠭᠰᠠᠨ ᠠᠶᠠᠭ᠎ᠠ ᠪᠠᠨ ᠲᠤᠯᠢᠶᠠᠳᠠᠭ ᠦᠭᠡᠢ ᠪᠦᠭᠡᠳ ᠠᠶᠠᠭᠠᠨ ᠤ ᠢᠷᠦᠭᠠᠷ ᠲᠤ ᠴᠠᠢ ᠶᠢᠨ ᠰᠢᠪᠬᠠᠷᠣᠣ ᠦᠯᠡᠳᠡᠭᠡᠯ ᠦᠭᠡᠢ ᠣᠣᠭᠤᠳᠠᠭ᠃        ᠮᠣᠩᠭᠤᠯ ᠣᠯᠣᠰ ᠤᠨ ᠰᠦᠯᠵᠢᠶ᠎ᠡ ᠠᠴᠠ ᠴᠢᠩ᠊᠂ ᠬᠠᠰ ᠬᠦᠷᠪᠡᠭᠦᠯᠦᠨ ᠬᠦᠷᠪᠡᠪᠡᠢ︔
  
ᠢᠷᠡᠯᠲᠡ᠄ ᠠᠯᠲᠠᠨ ᠬᠦᠷᠳᠦ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠱᠠᠰᠢᠨ ᠰᠤᠷᠳᠠᠬᠤᠨ ᠤ ᠠᠵᠢᠯᠯᠠᠭᠠᠨ ᠤ ᠭᠠᠵᠠᠷ ᠢ ᠰᠢᠨ᠎ᠡ ᠪᠠᠷ ᠪᠠᠶᠢᠭᠤᠯᠬᠤ ᠪᠤᠶᠤ ᠦᠭᠡᠷᠡᠴᠢᠯᠡᠨ ᠪᠠᠶᠢᠭᠤᠯᠬᠤ ᠁
ᠡᠷᠤᠬᠡ ᠪᠤᠰᠬᠠᠬᠤ᠂ ᠡᠷᠤᠬᠡ ᠰᠠᠯᠭᠠᠬᠤ ᠪᠤᠯᠤᠨ ᠡᠷᠤᠬᠡ ᠨᠡᠶᠢᠯᠡᠭᠦᠯᠬᠦ
ᠭᠡᠷ ᠬᠤᠳᠠᠯᠳᠤᠨ ᠠᠪᠴᠦ ᠭᠠᠳᠠᠨ᠎ᠠ ᠤᠷᠤᠨ ᠠᠴᠠ ᠡᠷᠤᠬᠡ ᠠᠮᠠ ᠨᠡᠭᠦᠵᠦ ᠢᠷᠡᠬᠦ ᠳᠠᠩᠰᠠᠯᠠᠯ
ᠰᠠᠭᠤᠭᠠᠯᠢ ᠠᠷᠠᠳ ᠤᠨ ᠪᠡᠶ᠎ᠡ ᠶᠢᠨ ᠦᠨᠡᠮᠯᠡᠯ ᠭᠤᠶᠤᠴᠢᠯᠠᠨ ᠠᠪᠬᠤ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号