| ᠠᠯᠳᠠᠨ ᠰᠢᠷᠭᠠᠯ ᠶᠢᠰᠦᠨ ᠰᠠᠷᠠ ᠪᠠᠷ ᠠᠶᠠᠯᠠᠨ ᠵᠢᠭᠤᠯᠴᠢᠯᠠᠬᠤ ᠳᠤ ᠲᠠᠪᠠᠲᠠᠢ ᠠᠭᠤᠷ ᠠᠮᠢᠰᠬᠤᠯ | ᠲᠣᠬᠢᠶᠠᠨᠠ᠃ ᠠᠶᠠᠨ ᠵᠠᠮ ᠳᠤ ᠬᠠᠶᠠ ᠭᠡᠮᠲᠦᠯ ᠰᠢᠷᠬᠠᠲᠤᠯ ᠭᠠᠷᠳᠠᠭ ᠠᠴᠠ ᠥᠪᠡᠷ ᠪᠤᠰᠤᠳ ᠢ ᠲᠦᠷᠭᠡᠨ | ᠠᠪᠤᠷᠠᠬᠤ ᠡᠮᠴᠢᠯᠡᠭᠡᠨ ᠤ ᠬᠡᠳᠦᠨ ᠠᠷᠭᠠ ᠶᠢ ᠲᠠᠨᠢᠯᠴᠠᠭᠤᠯᠵᠤ ᠪᠠᠶᠢᠨᠠ᠃ | ᠭᠡᠮᠲᠦᠵᠦ ᠪᠡᠷᠲᠡᠬᠦ ᠳᠤ᠄ | ᠰᠢᠷᠬᠠ ᠶᠢ ᠰᠢᠢᠳᠪᠦᠷᠢᠯᠡᠬᠦ᠄ ᠭᠠᠳᠠᠷ ᠰᠢᠷᠬᠠ ᠶᠢ ᠴᠠᠭ ᠲᠤᠬᠠᠢ ᠳᠤᠨᠢ ᠴᠢᠰᠤ ᠶᠢ ᠵᠣᠭᠰᠣᠭᠠᠵᠤ᠂ ᠴᠡᠪᠡᠷᠯᠡᠵᠦ | ᠠᠷᠢᠯᠭᠠᠬᠤ ᠶᠢ ᠪᠤᠳᠤᠨᠠ᠂ ᠬᠡᠷᠪᠡ ᠪᠡᠷᠲᠡᠭᠰᠡᠨ ᠬᠡᠰᠡᠭ ᠨᠢ ᠢᠯᠡ ᠭᠠᠷᠤᠭᠰᠠᠨ ᠪᠠᠶᠢᠪᠠᠯ ᠤᠭ ᠣᠷᠣᠨ ᠳᠤᠨᠢ | ᠤᠷᠤᠭᠤᠯᠬᠤ ᠪᠠᠷ ᠤᠷᠤᠯᠳᠤᠵᠤ ᠪᠤᠯᠬᠤ ᠦᠭᠡᠢ᠃ | ᠰᠢᠷᠬᠠ ᠶᠢ ᠪᠣᠭᠤᠬᠤ᠄ ᠴᠡᠪᠡᠷ ᠪᠥᠰ ᠢᠶᠠᠷ ᠰᠢᠷᠬᠠ ᠶᠢ ᠪᠦᠲᠡᠭᠡᠵᠦ᠂ ᠳᠠᠭᠢᠨ ᠪᠥᠰ ᠢᠶᠠᠷ ᠪᠣᠭᠤᠨᠠ᠂ | ᠪᠣᠭᠤᠬᠤ ᠳᠠᠭᠠᠨ ᠴᠢᠩᠭᠠ ᠰᠤᠯᠠ ᠶᠢ ᠲᠣᠬᠢᠷᠠᠭᠤᠯᠤᠨᠠ᠃ | ᠲᠡᠷᠡ ᠬᠡᠪ ᠲᠤᠨᠢ ᠪᠠᠶᠢᠯᠭᠠᠬᠤ᠄ ᠡᠪᠡᠳᠴᠢᠲᠡᠨ ᠢ ᠳᠤᠷᠠ ᠪᠠᠷ ᠲᠠᠲᠠᠵᠤ ᠴᠢᠩᠭᠠᠭᠠᠬᠤ ᠪᠤᠶᠤ ᠵᠥᠭᠡᠭᠡᠵᠦ | ᠪᠤᠯᠬᠤ ᠦᠭᠡᠢ᠂ ᠰᠢᠷᠬᠠᠲᠤᠭᠰᠠᠨ ᠬᠡᠰᠡᠭ ᠢ ᠠᠯᠢ ᠴᠢᠳᠠᠬᠤ ᠪᠠᠷ ᠲᠡᠷᠡ ᠬᠡᠪ ᠲᠤᠨᠢ ᠪᠠᠶᠢᠯᠭᠠᠨᠠ᠃ | ᠡᠪᠡᠳᠬᠦ ᠶᠢ ᠨᠠᠮᠳᠠᠭᠠᠬᠤ᠄ ᠶᠠᠰᠤ ᠪᠡᠷᠲᠡᠭᠡᠳ ᠬᠦᠨᠳᠦᠷᠡᠵᠦ ᠡᠪᠡᠳᠪᠡᠯ ᠦᠬᠦᠳᠬᠢᠬᠦ ᠠᠶᠤᠯ ᠲᠠᠢ ᠤᠴᠢᠷ | ᠠᠴᠠ ᠡᠪᠡᠳᠬᠦ ᠶᠢ ᠵᠣᠭᠰᠤᠭᠠᠬᠤ ᠡᠮ ᠬᠡᠷᠡᠭᠯᠡᠪᠡᠯ ᠰᠠᠶᠢᠨ᠃ | ᠠᠮᠤᠷ ᠲᠦᠪᠰᠢᠨ ᠢᠶᠠᠷ ᠰᠢᠯᠵᠢᠭᠦᠯᠦᠨ ᠵᠥᠭᠡᠭᠡᠬᠦ᠄ ᠰᠢᠷᠬᠠᠲᠤᠭᠰᠠᠳ ᠢ ᠰᠢᠯᠵᠢᠭᠦᠯᠦᠨ ᠵᠥᠭᠡᠭᠡᠬᠦ ᠳᠡᠭᠡᠨ | ᠰᠢᠷᠬᠠᠲᠤᠭᠰᠠᠳ ᠤᠨ ᠤᠬᠠᠭᠠᠨ ᠮᠡᠳᠡᠷᠡᠯ ᠪᠣᠯᠣᠨ ᠪᠦᠭᠦ ᠪᠡᠶᠡ ᠶᠢᠨ ᠪᠠᠶᠢᠳᠠᠯ ᠤᠨ ᠬᠤᠪᠢᠷᠠᠯᠲᠠ ᠶᠢ ᠰᠠᠶᠢᠲᠤᠷ | ᠠᠩᠬᠠᠷᠴᠤ᠂ ᠡᠮᠨᠡᠯᠭᠡ ᠳᠤ ᠬᠦᠷᠭᠡᠵᠦ ᠲᠦᠷᠭᠡᠨ ᠠᠪᠤᠷᠠᠯᠲᠠ ᠬᠢᠯᠭᠡᠨᠡ᠃ | ᠴᠢᠰᠤ ᠲᠦᠷᠭᠡᠨ ᠵᠣᠭᠰᠤᠭᠠᠬᠤ ᠳᠤ᠄ | 1. ᠬᠤᠷᠤᠭᠤ ᠪᠠᠷ ᠳᠠᠷᠤᠬᠤ᠄ ᠲᠣᠮᠣ ᠯᠤᠭᠰᠢᠭᠤᠨ ᠰᠤᠳᠠᠯ ᠠᠴᠠ ᠴᠢᠰᠤ ᠶᠡᠭᠡ ᠭᠠᠷᠪᠠᠯ᠂ | ᠬᠤᠷᠤᠭᠤ ᠪᠠᠷ ᠢᠶᠠᠨ ᠰᠢᠷᠬᠠᠨ ᠤ ᠵᠢᠷᠦᠬᠡᠨ ᠲᠠᠯᠠ ᠶᠢᠨ ᠴᠢᠭᠯᠡᠯ ᠳᠤ ᠳᠠᠷᠤᠵᠤ᠂ ᠴᠢᠰᠤᠨ ᠤ ᠡᠷᠭᠢᠯᠲᠡ ᠶᠢ ᠬᠤᠷᠢᠵᠤ᠂ | ᠴᠢᠰᠤ ᠶᠢ ᠲᠦᠷ ᠵᠣᠭᠰᠣᠭᠠᠵᠤ ᠪᠣᠯᠣᠨᠠ᠃ | 2. ᠳᠠᠷᠤᠵᠤ ᠪᠣᠭᠤᠬᠤ᠄ ᠨᠠᠮᠵᠢᠭᠤᠨ ᠰᠤᠳᠠᠯ᠂ ᠬᠢᠯᠭᠠᠰᠤᠨ ᠰᠤᠳᠠᠯ ᠪᠤᠶᠤ ᠵᠢᠵᠢᠭ ᠯᠤᠭᠰᠢᠭᠤᠨ | ᠰᠤᠳᠠᠯ ᠠᠴᠠ ᠴᠢᠰᠤ ᠭᠠᠷᠪᠠᠯ᠂ ᠠᠷᠢᠭᠤᠳᠬᠠᠭᠰᠠᠨ ᠱᠠ ᠪᠥᠰ ᠵᠡᠷᠭᠡ ᠪᠠᠷ ᠰᠢᠷᠬᠠ ᠶᠢ ᠳᠠᠷᠤᠵᠤ᠂ ᠳᠠᠷᠠᠭᠠ ᠨᠢ | ᠰᠢᠷᠬᠠᠨ ᠤ ᠪᠣᠭᠤᠯᠲᠠ ᠪᠤᠶᠤ ᠪᠥᠰ ᠢᠶᠠᠷ ᠪᠣᠭᠤᠨᠠ᠃ | 3. ᠴᠢᠰᠤ ᠵᠣᠭᠰᠤᠭᠠᠬᠤ ᠪᠥᠰ᠄ ᠳᠥᠷᠪᠡᠨ ᠮᠥᠴᠢ ᠶᠢᠨ ᠲᠣᠮᠣ ᠯᠤᠭᠰᠢᠭᠤᠨ ᠰᠤᠳᠠᠯ ᠠᠴᠠ ᠶᠡᠭᠡ ᠴᠢᠰᠤ | ᠭᠠᠷᠪᠠᠯ ᠡᠨᠡ ᠠᠷᠭᠠ ᠶᠢ ᠬᠡᠷᠡᠭᠯᠡᠵᠦ ᠪᠣᠯᠣᠨᠠ᠃ ᠰᠢᠷᠬᠠᠲᠤᠭᠰᠠᠨ ᠦᠶᠡ ᠮᠥᠴᠢ ᠪᠠᠨ ᠥᠨᠳᠥᠷ ᠡᠷᠭᠦᠵᠦ᠂ ᠴᠢᠰᠤ | ᠵᠣᠭᠰᠤᠭᠠᠬᠤ ᠪᠦᠰᠡ ᠶᠢ ᠴᠢᠳᠠᠬᠤ ᠶᠢᠨ ᠬᠢᠷᠢ ᠪᠠᠷ ᠴᠢᠰᠤ ᠭᠠᠷᠤᠭᠰᠠᠨ ᠬᠡᠰᠡᠭ ᠲᠤ ᠣᠶᠢᠷᠠᠲᠤᠭᠤᠯᠬᠤ ᠶᠢᠨ ᠬᠠᠮᠲᠤ | ᠴᠠᠭ ᠪᠦᠷᠢ ᠨᠢᠭᠡ ᠤᠳᠠᠭᠠ ᠲᠠᠯᠪᠢᠬᠤ ᠶᠢ ᠠᠩᠬᠠᠷᠴᠤ᠂ ᠴᠢᠰᠤ ᠳᠤᠲᠠᠵᠤ ᠦᠬᠦᠳᠬᠢᠬᠦ ᠠᠴᠠ ᠰᠡᠷᠭᠡᠶᠢᠯᠡᠬᠦ ᠬᠡᠷᠡᠭᠲᠡᠢ | ︵ᠳᠡᠭᠡᠷᠡ ᠠᠳᠬᠤᠭᠠᠯ ᠤᠨ ᠳᠤᠮᠳᠠ ᠬᠡᠰᠡᠭ ᠲᠤ ᠴᠢᠰᠤ ᠵᠣᠭᠰᠤᠭᠠᠬᠤ ᠪᠦᠰᠡ ᠬᠡᠷᠡᠭᠯᠡᠵᠦ ᠪᠤᠯᠬᠤ ᠦᠭᠡᠢ︶᠃ | ᠠᠩᠬᠠᠷᠬᠤ ᠵᠦᠢᠯ᠄ ᠢᠯᠡ ᠭᠠᠳᠠᠷ ᠰᠢᠷᠬᠠ ᠶᠢ ᠰᠢᠢᠳᠪᠦᠷᠢᠯᠡᠬᠦ ᠬᠠᠮᠤᠭ ᠤᠨ ᠲᠣᠬᠢᠲᠠᠢ ᠴᠠᠭ ᠪᠣᠯ | ᠰᠢᠷᠬᠠᠲᠤᠭᠰᠠᠨ ᠤ ᠳᠠᠷᠠᠭᠠᠬᠢ 6 - 8 ᠴᠠᠭ᠂ ᠲᠣᠯᠣᠭᠠᠢ ᠨᠢᠭᠤᠷ ᠤᠨ ᠬᠡᠰᠡᠭ ᠪᠣᠯ ᠵᠣᠬᠢᠬᠤ ᠬᠡᠮᠵᠢᠶᠡ ᠪᠠᠷ 24 ᠴᠠᠭ | ᠪᠤᠯᠲᠠᠯᠠ ᠤᠷᠲᠤᠳᠬᠠᠵᠤ ᠪᠣᠯᠣᠨᠠ᠃ ᠡᠨᠡ ᠬᠦ ᠬᠤᠭᠤᠴᠠᠭᠠᠨ ᠳᠤ ᠰᠢᠢᠳᠪᠦᠷᠢᠯᠡᠬᠦ ᠦᠭᠡᠢ ᠪᠣᠯ ᠰᠢᠷᠬᠠᠨ ᠤ | ᠬᠠᠯᠳᠠᠪᠤᠷᠢᠯᠠᠯ ᠶᠡᠭᠡᠳᠦᠨᠡ᠃ |