ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠰᠦᠷᠦᠭ ᠴᠢᠨ᠋ᠸ᠎ᠠ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2019-01-09
                                       ᠰᠦᠷᠦᠭ ᠴᠢᠨ᠋ᠸ᠎ᠠ      ᠭᠤᠪᠢ ᠶᠢᠨ ᠠᠶᠢᠯ ᠤᠳ ᠥᠷᠯᠥᠭᠡᠠ ᠤ ᠵᠡᠷᠭᠡᠯᠭᠡᠠ ᠳᠤ ᠰᠥᠷᠯᠢᠭ ᠥᠡᠲᠦᠷ ᠠᠰᠠᠷ ᠰᠢᠭ᠋᠂ ᠰᠦᠯᠵᠢᠵᠦ  ᠵᠡᠷᠭᠡᠯᠡᠭᠰᠡᠨ ᠪᠠᠷᠢᠮᠠᠯ ᠰᠢᠭ᠋ ᠰᠦᠷᠲᠠᠢ ᠰᠠᠶᠢᠬᠠᠨ ᠬᠠᠷᠠᠭᠲᠠᠵᠦ᠂ ᠥᠨᠢᠶ᠎ᠡ ᠮᠥᠭᠡᠷᠡᠵᠥ ᠬᠤᠨᠢ  ᠮᠠᠶᠢᠯᠠᠨ  ᠠᠶᠠᠯᠭᠤ  ᠨᠡᠶᠢᠯᠡᠨ  ᠴᠤᠤᠷᠢᠶᠠᠲᠤᠵᠥ᠂ ᠠᠯᠠᠭ ᠥᠬᠡᠷ ᠤᠨ ᠭᠤᠪᠢ ᠳᠤ ᠬᠦᠷ ᠬᠦᠭᠵᠢᠶᠡᠨ ᠪᠢᠯᠬᠠᠨ᠎ᠠ᠃      ᠥᠷᠯᠥᠭᠡᠨ ᠤ ᠴᠠᠢ ᠪᠠᠷ ᠴᠢᠨ᠋ᠸ᠎ᠠ ᠶᠢᠨ ᠲᠤᠬᠠᠢ ᠵᠤᠭᠤᠭ ᠪᠤᠷᠵᠢᠭᠡᠷ ᠥᠰᠦ᠂ ᠨᠠᠷᠢᠨ ᠨᠢᠲᠦ᠂ ᠵᠢᠭᠠᠬᠠᠨ ᠬᠠᠮᠠᠷ᠂ ᠵᠢᠷᠪᠡᠭᠡᠷ ᠬᠠᠷ᠎ᠠ ᠰᠠᠬᠠᠯ᠂ ᠱᠤᠪᠲᠤᠭᠤᠷ ᠬᠦᠬᠡ ᠴᠢᠷᠠᠢ ᠲᠠᠢ ᠰᠡᠩᠬᠡᠯᠵᠡᠭᠦᠷ ᠨᠢᠮ᠎ᠠ ᠶᠢᠨ ᠠᠮᠠ ᠪᠠᠷ ᠲᠠᠮᠵᠢᠭᠲᠠᠨ ᠭᠤᠪᠢ ᠶᠢᠨ ᠠᠶᠢᠯ ᠳᠤ ᠲᠠᠷᠬᠠᠵᠦ ᠪᠠᠶᠢᠨ᠎ᠠ᠄ ᠬᠤᠷᠢ ᠭᠠᠷᠤᠢ ᠵᠢᠯ ᠴᠢᠮᠡᠭᠡ ᠥᠭᠡᠢ ᠪᠤᠯᠤᠭᠰᠠᠨ ᠴᠢᠨ᠋ᠸ᠎ᠠ ᠪᠤᠭᠵᠢ ᠶᠢᠨ ᠰᠢᠯᠢ ᠳᠤ ᠬᠤᠶᠠᠷ ᠭᠦᠶᠦᠵᠦ ᠪᠠᠶᠢᠭᠰᠠᠨ ᠭᠡᠨ᠎ᠡ︔ ᠦᠢᠷ᠎ᠠ ᠳᠤ ᠪᠤᠷᠤᠲᠤᠯᠤᠭᠠᠢ ᠡᠩᠭᠡᠷ ᠤᠨ ᠲᠤᠤᠷᠠᠨ ᠳᠤ ᠪᠠᠶᠢᠭᠰᠠᠨ ᠬᠤᠨᠢ ᠶᠢ  ᠪᠠᠷᠢᠵᠦ᠂  ᠪᠠᠰᠠ ᠮᠡᠷᠭᠡᠯ ᠤᠨ ᠬᠤᠨᠢᠨ ᠤ ᠬᠤᠷᠤᠭᠠᠨ ᠳᠤ ᠤᠷᠤᠵᠦ ᠠᠷᠪᠠ ᠭᠠᠷᠤᠢ ᠬᠤᠨᠢ ᠶᠢ ᠪᠠᠷᠢᠭᠰᠠᠨ᠂ ᠭᠡᠪᠡᠴᠦ ᠴᠤᠬᠤᠮ ᠴᠢᠨ᠋ᠸ᠎ᠠ ᠶᠤᠮ ᠤᠤ᠂ ᠭᠡᠷ ᠤᠨ ᠨᠤᠬᠠᠢ ᠵᠢᠯᠪᠡᠯᠡᠭᠡᠳ ᠭᠠᠷᠤᠭᠰᠠᠨ ᠶᠤᠮ ᠤᠤ᠂ ᠥᠨᠡᠭᠡ ᠪᠠᠷᠢᠵᠦ ᠪᠠᠶᠢᠬᠤ ᠶᠤᠮ ᠤᠤ᠂ ᠶᠠᠭ ᠲᠤᠲᠤᠷᠬᠠᠢ ᠦᠵᠡᠵᠦ ᠬᠠᠷᠠᠭᠰᠠᠨ ᠬᠦᠮᠦᠨ ᠦᠭᠡᠢ ᠭᠡᠨ᠎ᠡ᠃ ᠳᠡᠬᠡᠳᠡᠯ᠎ᠠ ᠥᠨᠡᠭᠡ ᠬᠤᠨᠢ ᠪᠠᠷᠢᠭᠰᠠᠨ ᠢ ᠨᠢᠲᠦ ᠪᠠᠷ ᠥᠵᠡᠭᠰᠡᠨ ᠵᠤᠵᠢᠭ ᠨᠠᠩᠵᠢᠳ ︽ᠥᠨᠡᠭᠡ ᠬᠤᠨᠢᠨ ᠰᠡᠭᠦᠯ ᠤᠨ ᠠᠯᠠᠭ᠎ᠠ ᠶᠢ ᠬᠤᠪᠬᠤ ᠰᠤᠷᠤᠭᠠᠳ ᠠᠷᠦ ᠶᠢᠨ ᠬᠤᠶᠠᠷ ᠪᠤᠷᠪᠢ ᠶᠢ ᠨᠢ ᠡᠭᠡᠯᠵᠢᠯᠡᠨ ᠬᠠᠵᠠᠭᠰᠠᠭᠠᠷ ᠪᠠᠶᠢᠵᠦ᠂ ᠬᠤᠨᠢ ᠶᠠᠪᠤᠵᠦ ᠴᠢᠲᠠᠬᠤ ᠥᠬᠡᠢ ᠪᠤᠯᠬᠤ ᠳᠤ ᠪᠠᠭᠠᠯᠵᠤᠤᠷ ᠢ ᠨᠢ ᠬᠠᠵᠠᠲᠠᠭ᠂ ᠥᠨᠡᠭᠡ ᠪᠠᠷᠢᠡᠡᠰᠡᠨ ᠬᠤᠨᠢᠨ ᠤ ᠮᠢᠬ᠎ᠠ ᠪᠠᠷᠢᠨ ᠦᠮᠡᠬᠡᠢ ᠥᠨᠦᠷ ᠤᠷᠤᠴᠢᠬᠠᠲᠠᠭ ᠰᠢᠤ︕  ᠪᠢ ᠭᠤᠷᠪᠠᠨ ᠬᠤᠨᠢ ᠪᠠᠨ ᠥᠨᠡᠭᠡᠨ ᠳᠤ ᠪᠠᠷᠢᠭᠤᠯᠤᠭᠠᠳ ᠮᠡᠲᠡᠭᠰᠡᠨ ᠶᠤᠮ︕ ᠬᠡᠭᠡᠷ᠎ᠡ ᠶᠢᠨ ᠨᠤᠬᠠᠢ ᠲᠡᠶᠢᠮᠦ ᠠᠮᠠᠷᠬᠠᠨ ᠠᠶᠢᠯ ᠳᠤ ᠤᠶᠢᠷᠠᠳᠬᠤ ᠥᠭᠡᠢ᠂ ᠪᠠᠷᠤᠭ ᠥᠨᠡᠭᠡ ᠯᠡ ᠪᠠᠶᠢᠵᠦ ᠮᠡᠲᠡᠬᠦ  ᠶᠤᠮ ᠳ᠋ᠠ︕︾ ᠭᠡᠵᠦ ᠰᠤᠨᠤᠰᠤᠭᠰᠠᠨ ᠢᠶᠠᠨ ᠶᠠᠷᠢᠨ᠎ᠠ᠃      ᠡᠶᠢᠨ ᠬᠦ ᠦᠨᠡᠨ ᠬᠤᠲᠠᠯ ᠴᠢᠮᠡᠭᠡ ᠲᠠᠮᠵᠢᠭᠰᠠᠭᠠᠷ ᠵᠤᠨ ᠤ ᠡᠬᠢᠨ ᠰᠠᠷ᠎ᠠ ᠪᠤᠯᠬᠤ ᠳᠤ ᠵᠡᠷᠭᠡᠯᠭᠡᠨᠲᠦ ᠶᠢᠨ ᠭᠤᠷᠪᠠᠨ ᠪᠦᠲᠦᠭᠦᠨ ᠳᠤ ᠭᠠᠷᠭᠠᠭᠰᠠᠨ ᠵᠠᠮᠵᠠ ᠶᠢᠨ ᠰᠤᠪᠠᠢ ᠬᠤᠨᠢᠨ ᠠᠴᠠ ᠠᠷᠪᠠ ᠭᠠᠷᠤᠢ ᠶᠢ ᠪᠠᠷᠢᠯ᠎ᠠ ᠭᠡᠰᠡᠨ ᠴᠢᠮᠡᠭᠡ ᠲᠠᠮᠵᠢᠬᠤ ᠳᠤ ᠭᠠᠴᠠᠭᠠᠨ ᠲᠠᠷᠤᠭ᠎ᠠ ᠭᠤᠸᠠᠢ ᠥᠭᠦᠯᠡᠷᠦᠨ᠄  ︽ᠥᠨᠡᠭᠡ᠂ ᠴᠢᠨ᠋ᠸ᠎ᠠ ᠶᠢᠨ ᠠᠯᠢ ᠨᠢ ᠪᠠᠷᠢᠭᠰᠠᠨ ᠢ ᠰᠠᠶᠢᠨ ᠲᠤᠲᠤᠯᠠᠭᠠᠳ ᠮᠡᠲᠡᠭᠦᠯ︕ ᠬᠡᠷᠪᠡ ᠴᠢᠨ᠋ᠸ᠎ᠠ ᠬᠤᠨᠢ ᠪᠠᠷᠢᠭᠰᠠᠨ ᠪᠤᠯ ᠤᠯᠤᠰ ᠠᠴᠠ ᠨᠦᠬᠦᠪᠦᠷᠢ ᠦᠭᠴᠦ ᠳᠡᠳᠬᠦᠨ᠎ᠠ᠃ ᠬᠡᠬᠦ ᠳᠡᠭᠡᠨ ᠴᠢᠨ᠋ᠸ᠎ᠠ ᠪᠣᠯ ᠤᠯᠤᠰ ᠤᠨ ᠬᠤᠶᠠᠲᠤᠭᠠᠷ ᠲᠡᠰ ᠤᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠠᠮᠢᠲᠠᠨ ᠪᠤᠯᠬᠤᠷ ᠲᠤᠷ᠎ᠠ ᠪᠠᠷ ᠠᠯᠠᠵᠦ  ᠪᠤᠯᠬᠤ ᠥᠭᠡᠢ︕︾ ᠭᠡᠵᠦ ᠶᠠᠷᠢᠯ᠎ᠠ᠃ ᠲᠠᠷᠤᠭ᠎ᠠ ᠶᠢᠨ ᠶᠠᠷᠢᠶ᠎ᠠ ᠪᠠᠷᠠᠬᠤ ᠲᠠᠢ ᠵᠡᠷᠭᠡ᠄ ︽ᠥᠨᠡᠨ ᠬᠤᠲᠠᠯ ᠨᠢ ᠮᠡᠲᠡᠭᠲᠡᠬᠦ ᠥᠭᠡᠢ︕ ᠪᠠᠷᠢᠭᠲᠠᠭᠰᠠᠨ ᠬᠤᠨᠢᠨ ᠤ ᠲᠤᠭ᠎ᠠ ᠭᠤᠷᠪᠠᠨ ᠵᠠᠭᠤ ᠪᠤᠯᠴᠢᠬᠠᠭᠰᠠᠨ︾ ᠬᠡᠵᠦ ᠭᠠᠴᠠᠭᠠᠨ ᠤ ᠨᠢᠷᠪᠡ ᠬᠡᠯᠡᠨ᠎ᠠ᠃      ᠵᠤᠵᠢᠭ ᠨᠠᠩᠵᠢᠳ ︽ᠵᠠ︕ ᠶᠠᠭᠠᠬᠢᠬᠤ ᠪᠤᠢ  ᠳ᠋ᠠ᠂  ᠭᠠᠷᠤᠭᠰᠡᠨ ᠭᠠᠷᠤᠵᠠ ᠬᠤᠶᠢᠨ᠎ᠠ︕︾  ᠭᠡᠵᠤ ᠪᠤᠲᠤᠵᠦ ᠪᠠᠶᠢᠬᠤ ᠳᠤ ᠰᠡᠩᠬᠡᠯᠵᠡᠭᠦᠷ ᠨᠢᠮ᠎ᠠ ᠭᠤᠸᠠᠢ ᠪᠠᠭᠠᠰᠥ ᠠᠯᠲᠠᠵᠦ ᠥᠬᠦᠭᠰᠡᠨ ᠬᠤᠨᠢ ᠪᠠᠨ ᠠᠵᠢᠭ ᠴᠦ ᠥᠭᠡᠢ ᠮᠡᠲᠡᠭᠦᠯᠪᠡ᠃ ᠬᠤᠨᠢᠨ ᠤ ᠲᠤᠭ᠎ᠠ ᠨᠡᠮᠡᠭᠲᠡᠭᠰᠡᠭᠡᠷ᠃      ᠬᠠᠰᠢᠷ ᠠᠩᠴᠢᠨ ᠵᠢᠵᠠ ᠡᠨᠡ ᠬᠦ ᠴᠢᠮᠡᠭᠡ ᠶᠢ ᠰᠤᠨᠤᠰᠤᠭᠠᠳ᠄  ︽ᠠᠩᠬᠠᠨ ᠳᠠᠭᠠᠨ ᠪᠣᠯ ᠭᠤᠷᠪᠠᠨ ᠰᠠᠷ᠎ᠠ ᠶᠢᠨ ᠰᠡᠭᠦᠯᠴᠢ ᠪᠠᠷ ᠬᠡᠳᠦᠡ ᠠᠶᠢᠯ ᠢᠶᠠᠷ ᠨᠡᠶᠢᠯᠡᠵᠦ ᠠᠪᠠ ᠳᠤ ᠭᠠᠷᠲᠠᠭ᠂ ᠨᠠᠶᠠᠭᠠᠳ ᠤᠨ ᠳᠤ ᠮᠠᠨᠠᠶᠢᠬᠢᠨ ᠨᠢᠭᠡ ᠬᠦᠷᠢᠶ᠎ᠡ ᠠᠪᠠ ᠬᠢᠭᠰᠡᠨ ᠳᠤ ᠪᠢ ᠰᠢᠪᠦᠭᠡᠨ ᠳᠤ ᠶᠠᠪᠤᠵᠦ ᠪᠠᠶᠢᠭᠰᠠᠨ ᠶᠤᠮ᠃ ᠪᠢᠳᠡ ᠨᠤᠬᠠᠢ ᠪᠠᠷ ᠬᠤᠮᠤᠷᠭᠠᠯᠠᠵᠦ᠂ ᠪᠠᠰᠠ ᠪᠠᠭ᠎ᠠ ᠮᠠᠰᠢᠨ ᠢᠶᠠᠷ ᠲᠠᠭᠤᠯ᠎ᠠ᠂ ᠳᠡᠬᠡᠳᠡᠯ᠎ᠠ ᠨᠢᠬᠡ ᠨᠢ ᠨᠢᠭᠡ ᠫᠤᠤᠲᠠᠭᠠᠳ ᠤᠨᠤᠭᠰᠠᠨ ᠥᠭᠡᠢ᠂ ᠬᠤᠶᠠᠲᠠᠬᠢ ᠨᠢ ᠬᠠ ᠶᠢ ᠨᠢ ᠤᠨᠤᠬᠤ ᠳᠤ ᠮᠠᠨ ᠤ ᠰᠡᠩᠬᠡᠯᠵᠡᠭᠦᠷ ᠨᠢᠮ᠎ᠠ ᠤᠷᠭᠠᠯᠠᠵᠥ ᠪᠠᠷᠢᠭᠠᠳ ᠠᠮᠢᠲᠦ ᠪᠠᠷ ᠨᠢ ᠥᠪᠴᠢᠭᠰᠡᠨ ᠶᠤᠮ᠂ ᠨᠢᠷᠤᠭᠤ ᠬᠡᠲᠦᠷᠡᠲᠡᠯ᠎ᠡ ᠠᠮᠢᠲᠦ ᠪᠠᠶᠢᠭᠰᠠᠨ ᠨᠢᠭᠦᠯ ᠡ᠃ ᠥᠬᠦᠭᠰᠡᠨ ᠬᠤᠶᠢᠨ᠎ᠠ ᠨᠢ ᠬᠠᠯᠠᠭᠤᠨ ᠴᠢᠰᠦ ᠪᠠᠷ ᠨᠢ ᠰᠢᠲᠦ ᠪᠠᠨ ᠵᠠᠶᠢᠯᠠᠭᠰᠠᠨ ᠬᠦᠮᠦᠨ ᠪᠠᠰᠠ ᠪᠠᠶᠢᠭᠰᠠᠠ ᠶᠤᠮ᠃ ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠪᠢ ᠲᠠᠬᠢᠵᠦ ᠠᠪᠠ ᠬᠢᠭᠰᠡᠨ ᠴᠦ ᠥᠭᠡᠢ︕  ᠨᠠᠮᠦᠷ ᠨᠢ ᠶᠡᠭᠡ ᠲᠦᠢᠮᠡᠷ ᠭᠠᠷᠤᠭᠠᠳ ᠬᠤᠶᠢᠲᠦ ᠰᠢᠯᠢ ᠶᠢᠨ ᠠᠲᠠᠷ ᠰᠠᠶᠢᠬᠠᠨ ᠨᠤᠲᠤᠭ ᠢ ᠮᠢᠨᠢ ᠬᠤᠪᠬᠤ ᠰᠢᠲᠠᠭᠠᠵᠦ ᠮᠠᠯ ᠤᠨᠤᠭ᠎ᠠ᠂ ᠠᠮᠢᠲᠠᠨ ᠠᠷᠢᠶᠠᠲᠠᠨ ᠰᠢᠲᠠᠭᠰᠠᠨ ᠠᠴᠠ ᠴᠢᠨ᠋ᠸ᠎ᠠ ᠴᠦ ᠴᠢᠮᠡᠭᠡ ᠥᠭᠡᠢ ᠪᠤᠯᠵᠦ᠂ ᠬᠤᠶᠢᠲᠦ ᠰᠢᠯᠢ ᠶᠢᠨ  ᠨᠤᠲᠤᠭ ᠤᠨ ᠤᠷᠭᠤᠮᠠᠯ ᠡᠪᠡᠰᠦ ᠨᠢ ᠮᠠᠭᠤᠲᠠᠵᠦ ᠲᠠᠴᠢᠷᠲᠠᠵᠦ ᠡᠬᠢᠯᠡᠭᠰᠡᠨ ᠶᠤᠮ ᠳ᠋ᠠ︕ ᠴᠢᠨ᠋ᠸ᠎ᠠ ᠨᠤᠬᠠᠢ ᠥᠭᠡᠢ ᠪᠤᠯᠴᠢᠬᠠᠭᠰᠠᠨ ᠴᠢᠨᠢ ᠬᠤᠨᠢ ᠮᠠᠯ ᠢᠶᠠᠨ ᠲᠤᠷ᠎ᠠ ᠪᠠᠷ ᠨᠢ ᠲᠤᠤᠷᠠᠨ ᠳᠤ ᠬᠠᠶᠠᠭᠠᠳ ᠶᠠᠪᠤᠴᠢᠬᠠᠨ᠎ᠠ᠃ ᠮᠠᠯ ᠳᠠᠭᠠᠨ ᠰᠡᠳᠬᠢᠯ ᠲᠠᠯᠪᠢᠬᠤ ᠥᠭᠡᠢ᠃ ᠤᠳᠤ ᠳᠡᠬᠡᠬᠦ ᠳᠤ ᠴᠢᠨ᠋ᠸ᠎ᠠ ᠶᠢᠨ ᠲᠤᠬᠠᠢ ᠪᠠᠭ᠎ᠠ ᠴᠢᠮᠡᠭᠡ ᠭᠠᠷᠤᠭᠰᠠᠨ ᠴᠢᠨᠢ ᠪᠦᠷ ᠲᠡᠪᠵᠢᠶᠡᠨ ᠪᠤᠯᠤᠭᠠᠳ᠁︾ ᠭᠡᠵᠦ ᠵᠢᠵᠠ ᠭᠡᠷ ᠲᠡᠭᠡᠨ ᠶᠠᠷᠢᠵᠦ ᠰᠠᠭᠤᠨ᠎ᠠ᠃      ᠠᠭᠤᠯᠠ ᠲᠠᠯ᠎ᠠ ᠬᠥᠬᠡᠷᠡᠨ ᠨᠤᠭᠤᠭᠠᠷᠠᠵᠥ᠂ ᠮᠠᠯ ᠤᠨᠤᠭ᠎ᠠ ᠨᠤᠭᠤᠭᠠᠨ ᠳᠤ ᠴᠠᠳᠴᠦ ᠢᠷᠡᠬᠦ ᠳᠤ ᠤᠲᠤᠷ ᠶᠠᠪᠤᠲᠠᠭ ᠬᠡᠲᠦᠨ ᠠᠶᠢᠯ ᠤᠳ ᠮᠥᠨ ᠯᠡ ᠬᠤᠨᠢ ᠮᠠᠯ ᠢᠶᠠᠨ ᠬᠠᠶᠠᠲᠠᠭ ᠢᠶᠠᠷ ᠢᠶᠠᠨ ᠬᠠᠶᠠᠭᠠᠳ ᠨᠠᠭᠠᠳᠤᠮ ᠳᠤ ᠶᠠᠪᠤᠵᠠᠭᠠᠵᠠᠢ᠃ ᠬᠠᠷᠢᠨ ᠪᠠᠳᠦ ᠶᠢᠨ ᠬᠢᠨ ᠨᠠᠭᠠᠳᠤᠮ ᠠᠴᠠ ᠪᠤᠴᠠᠨ ᠢᠷᠡᠬᠦ ᠳᠤ ᠭᠤᠴᠢ ᠭᠠᠷᠤᠢ ᠬᠤᠷᠠᠭ᠎ᠠ ᠶᠢ ᠨᠢ ᠲᠠᠰ ᠲᠠᠰ ᠬᠠᠵᠠᠵᠦ ᠬᠠᠶᠠᠬᠰᠠᠨ ᠠᠵᠢ᠃ ᠴᠢᠨ᠋ᠸ᠎ᠠ ᠪᠠᠷᠢᠭᠰᠠᠨ ᠪᠠᠴᠢᠮ ᠴᠢᠮᠡᠭᠡ ᠲᠠᠮᠵᠢᠭᠲᠠᠬᠤ ᠳᠤ ᠡᠨᠡ ᠥᠨᠡᠭᠡᠷ ᠬᠡᠬᠡᠷ᠎ᠡ ᠶᠢᠨ ᠬᠢ ᠢᠷᠡᠴᠢᠬᠡᠭᠰᠡᠨ ᠪᠠᠶᠢᠨ᠎ᠠ ᠭᠡᠳ ᠶᠠᠷᠢᠯᠴᠠᠭᠠᠨ ᠪᠤᠯᠪᠠ᠃ ︽ᠮᠠᠯᠴᠢᠳ ᠤᠨ ᠬᠤᠬᠢᠷᠠᠯ ᠢ ᠶᠠᠭᠠᠬᠢᠵᠦ ᠲᠥᠯᠥᠨ᠎ᠡ ᠪᠤᠢ︖ ᠴᠢᠨ᠋ᠸ᠎ᠠ ᠪᠠᠷᠢᠭᠰᠠᠨ ᠬᠤᠨᠢᠨ ᠤ ᠵᠤᠭᠤᠰ ᠴᠢᠨᠢ ᠬᠠᠮᠢᠭ᠎ᠠ ᠪᠠᠶᠢᠨ᠎ᠠ︖︾ ᠬᠡᠬᠦ ᠳᠤ ᠭᠠᠴᠠᠭᠠᠨ ᠤ ᠵᠢᠷᠬᠢᠶ᠎ᠠ ᠶᠢᠨ ᠬᠤᠯᠪᠤᠭᠠᠨ ᠳᠡᠬᠡᠷ᠎ᠠ ᠴᠢᠮᠡᠭᠡ ᠠᠯᠠᠭ᠎ᠠ᠃  ︽ᠭᠤᠷᠪᠠᠨ ᠪᠥᠲᠥᠭᠦᠨ ᠵᠦᠭ ᠬᠤᠶᠠᠷ ᠨᠤᠬᠠᠢ ᠤᠷᠤᠭᠰᠠᠨ ᠪᠠᠲᠤᠲᠠᠢ ᠴᠢᠮᠡᠭᠡ ᠪᠠᠶᠢᠨ᠎ᠠ︕ ᠮᠠᠷᠭᠠᠰᠢ ᠭᠠᠷᠴᠥ ᠲᠤᠮᠤᠭᠯᠠᠵᠦ ᠥᠵᠡᠶ᠎ᠡ︾ ᠬᠡᠬᠦ ᠳᠤ ᠬᠡᠳᠦᠨ ᠵᠠᠯᠠᠭᠤᠴᠤᠳ ᠪᠤᠯᠵᠤᠪᠠ᠃ ᠮᠠᠷᠭᠠᠰᠢ ᠨᠢ ᠠᠷᠪᠠ ᠭᠠᠷᠤᠢ ᠮᠤᠲ᠋ᠤᠷ ᠲᠠᠢ ᠵᠠᠯᠠᠭᠤᠴᠤᠳ ᠭᠠᠷᠤᠭᠠᠳ᠂  ᠭᠤᠷᠪᠠᠨ ᠪᠦᠲᠦᠭᠦᠨ᠂ ᠠᠯᠲᠠᠨ ᠬᠠᠷᠭᠠᠨᠠᠲᠦ᠂ ᠬᠠᠶᠢᠯᠠᠰᠤᠲᠦ  ᠭᠤᠤ᠂  ᠴᠠᠭᠠᠨ ᠭᠤᠤ ᠲᠠᠮᠵᠢᠨ ᠨᠢᠭᠡ ᠡᠲᠦᠷ ᠲᠤᠰᠤ ᠪᠠᠨ ᠪᠠᠷᠠᠵᠦ ᠲᠤᠪᠲᠤᠯᠤᠭᠠᠳ ᠶᠠᠭᠤ ᠴᠦ ᠥᠭᠡᠢ ᠬᠤᠭᠤᠰᠤᠨ ᠪᠤᠴᠠᠵᠠᠢ᠃      ᠠᠪᠠ ᠳᠤ ᠶᠠᠪᠤᠭᠠᠳ ᠤᠯᠵᠠ ᠥᠭᠡᠢ ᠪᠤᠴᠠᠭᠰᠠᠨ ᠵᠠᠯᠠᠭᠤᠴᠤᠳ ᠤᠮᠤᠭ ᠨᠢ ᠲᠠᠷᠤᠭᠲᠠᠵᠦ᠂ ᠴᠢᠮᠡᠭᠡ ᠥᠭᠡᠢ ᠪᠤᠯᠪᠠ᠃ ᠭᠡᠪᠡᠴᠦ ᠬᠡᠭᠡᠷ᠎ᠡ ᠶᠢᠨ ᠨᠤᠬᠠᠢ ᠵᠥᠭᠡᠷ ᠰᠠᠭᠤᠭ᠎ᠠ ᠥᠭᠡᠢ ᠮᠥᠡ ᠠᠳᠡ ᠲᠡᠨᠲᠡ ᠴᠢᠮᠡᠭᠡ ᠭᠠᠷᠭᠠᠭᠰᠠᠭᠠᠷ ᠪᠠᠶᠢᠪᠠ᠃      ᠰᠡᠷ ᠰᠡᠷ ᠰᠠᠯᠬᠢ ᠰᠡᠷᠴᠢᠭᠢᠨᠡᠭᠰᠡᠨ ᠨᠠᠮᠤᠷ ᠤᠨ ᠡᠳᠦᠷ᠂ ᠭᠦᠯᠦ᠋ᠢᠳᠡᠯ᠎ᠡ ᠬᠠᠳᠤᠵᠦ ᠬᠠᠶᠠ ᠨᠢᠭᠡ ᠵᠤᠷᠪᠤᠰ ᠰᠠᠬᠠᠯ ᠥᠯᠠᠲᠡᠭᠡᠭᠰᠡᠨ ᠴᠠᠭᠠᠨ ᠭᠤᠤ ᠶᠢᠨ ᠬᠡᠲᠦᠨ ᠨᠤᠭᠤᠴᠠᠭ᠎ᠠ ᠪᠠᠷ ᠬᠠᠷ᠎ᠠ ᠮᠤᠲ᠋ᠤᠷ ᠲᠠᠢ ᠬᠦᠮᠦᠨ ᠶᠠᠭᠤ ᠨᠢᠭᠡ ᠶᠢ ᠡᠷᠢᠵᠦ ᠶᠠᠪᠤᠭ᠎ᠠ ᠨᠢ ᠰᠡᠩᠬᠡᠯᠵᠡᠭᠦᠷ ᠨᠢᠮ᠎ᠠ ᠪᠠᠶᠢᠯ᠎ᠠ᠃ ︽ᠤᠲᠤ ᠴᠢᠨ᠋ᠸ᠎ᠠ ᠪᠤᠯ ᠲᠡᠷᠡ ᠪᠡᠶ᠎ᠡ ᠪᠠᠷ ᠢᠶᠠᠨ ᠡᠷᠲᠡᠨᠢ ᠬᠡᠨ᠎ᠡ ᠰᠢᠤ︕  ᠪᠥᠬᠦᠯᠢ ᠪᠠᠷ ᠲᠦᠮᠡ ᠭᠠᠷᠤᠢ ᠲᠦᠭᠦᠷᠢᠭ᠃ ᠭᠠᠭᠴᠠ ᠰᠤᠶᠤᠭ᠎ᠠ᠂ ᠱᠠᠭ᠎ᠠ ᠶᠢ ᠨᠢ ᠴᠤ ᠬᠡᠰᠡᠨ ᠵᠤᠭᠤᠰᠤᠨ ᠮᠥᠷᠦ᠋ᠢᠴᠡᠭᠡᠨ ᠳᠤ ᠵᠡᠬᠦᠪᠡᠯ ᠱᠦᠭᠦᠭᠳᠡᠬᠦ ᠥᠭᠡᠢ ᠭᠡᠨ᠎ᠡ᠃ ᠬᠡᠷᠪᠡ ᠴᠢ ᠴᠢᠨ᠋ᠸ᠎ᠠ ᠤᠯᠤᠭᠠᠳ ᠥᠵᠡᠪᠡᠯ ᠨᠠᠳᠠ ᠵᠦᠭ ᠤᠲᠠᠰᠤ ᠠᠪ︕  ᠲᠡᠭᠡᠪᠡᠯ ᠪᠢ ᠠᠳᠡ ᠠᠴᠠ ᠲᠡᠷᠭᠡ ᠲᠠᠢ ᠤᠴᠢᠪᠠᠯ ᠬᠤᠶᠠᠭᠤᠯᠠ ᠴᠢᠮᠡᠭᠡ ᠥᠭᠡᠢ ᠠᠯᠠᠴᠢᠬᠠᠶ᠎ᠠ᠃ ᠴᠢᠮ᠎ᠠ ᠳᠤ ᠲᠠᠪᠤᠨ ᠮᠢᠩᠭ᠎ᠠ ᠪᠡᠯᠡᠨ ᠦᠭᠭᠦᠶ᠎ᠡ᠂  ᠪᠤᠯᠤᠨ᠎ᠠ ᠪᠢᠵᠠ︾ ᠭᠡᠰᠡᠨ  ᠨᠢᠮ᠎ᠠ ᠶᠢᠨ ᠮᠠᠶᠢᠮᠠᠶᠢᠴᠢᠨ ᠨᠠᠶᠢᠵᠨ ᠶᠢᠨ ᠬᠢᠨ ᠪᠠᠲᠤᠲᠠᠢ ᠥᠭᠡ ᠴᠢᠬᠢᠨ ᠳᠤᠨᠢ ᠰᠤᠨᠤᠰᠲᠠᠵᠦ᠂ ᠶᠠᠭ ᠡᠮᠦᠨ᠎ᠡ ᠠᠴᠠ ᠨᠢ ᠴᠢᠨ᠋ᠸ᠎ᠠ ᠭᠦᠶᠦᠭᠡᠳ ᠪᠤᠰᠴᠦ ᠪᠠᠶᠢᠬᠤ ᠰᠢᠭ᠋ ᠨᠢᠳᠦᠨ ᠳᠤ ᠨᠢ ᠥᠵᠡᠭᠲᠡᠨ᠎ᠡ᠃  ᠪᠠᠰᠠ ︽ᠲᠡᠷᠡ ᠵᠢᠯ ᠤᠨ ᠴᠢᠨ᠋ᠸ᠎ᠠ ᠶᠢᠨ ᠠᠷᠠᠰᠤ ᠶᠢ ᠲᠠᠷᠤᠭ᠎ᠠ ᠠᠪᠴᠦ ᠶᠠᠪᠤᠭᠰᠠᠨ ᠢ ᠪᠤᠳᠤᠪᠡᠯ᠁  ᠠᠢ᠂ ᠬᠠᠶᠢᠷᠠᠨ ᠶᠠᠭᠤᠮ᠎ᠠ ᠥᠨ᠎ᠡ ᠳᠤ ᠬᠦᠷᠬᠦ ᠶᠢ ᠮᠡᠳᠡᠭᠰᠡᠨ ᠪᠤᠯ ᠳ᠋ᠠ︾ ᠬᠡᠬᠦᠴᠢᠯᠡᠨ ᠬᠠᠷᠠᠮᠰᠠᠵᠦ ᠶᠠᠪᠤᠨ᠎ᠠ᠃ ︽ᠪᠤᠤᠬᠠᠢ ᠶᠢᠨ ᠡᠮᠦᠨ᠎ᠡ ᠬᠡᠷᠢᠶ᠎ᠡ ᠭᠡᠳᠡᠭ ᠰᠢᠳᠡ︾  ᠭᠡᠳ ᠲᠩᠷᠢ ᠬᠠᠷᠠᠬᠤ ᠳᠤ ᠬᠡᠷᠢᠶ᠎ᠡ᠂ ᠰᠢᠪᠠᠭᠤᠨ ᠤ ᠪᠠᠷ᠎ᠠ ᠠᠯᠠᠭ᠎ᠠ᠃ ᠨᠢᠮ᠎ᠠ ᠭᠡᠨᠡᠳᠳᠡ ᠮᠤᠲ᠋ᠤᠷ ᠲᠡᠭᠡᠭᠦᠷ ᠢᠶᠠᠨ ᠰᠠᠪᠠᠵᠥ ᠤᠨᠠᠯ᠎ᠠ᠃  ᠶᠠᠭᠤ ᠶᠠᠭᠤ ᠪᠠᠨ ᠴᠦ ᠮᠡᠳᠡᠭᠰᠡᠨ ᠦᠬᠡᠢ ᠨᠢᠬᠡ ᠦᠵᠡᠰᠡ᠂ ᠲᠡᠮᠦᠷ ᠤᠲᠠᠰᠤᠨ ᠲᠤᠤᠷ ᠲᠤ ᠤᠷᠢᠶᠠᠭᠳᠠᠨ ᠤᠨᠠᠭᠰᠠᠨ ᠠᠵᠢ᠃ ︽ᠪᠤᠷᠬᠠᠨ ᠡ︕ ᠵᠢᠭᠠᠬᠠᠨ ᠬᠤᠷᠳᠤᠨ ᠶᠠᠪᠤᠵᠦ ᠪᠠᠶᠢᠭᠰᠠᠨ ᠪᠤᠯ ᠥᠬᠦᠵᠡᠢ︾ ᠭᠡᠳ ᠮᠤᠲ᠋ᠤᠷ ᠢᠶᠠᠨ ᠬᠠᠷᠠᠵᠦ ᠵᠤᠭᠰᠤᠪᠠ᠃ ᠨᠡᠶᠢᠳᠡᠮ ᠲᠤᠤᠷ ᠬᠦᠷᠢᠶ᠎ᠡ ᠪᠤᠯᠤᠭᠰᠡᠨ ᠪᠤᠯᠬᠤᠷ ᠬᠠᠶᠠᠭᠳᠠᠭᠰᠠᠨ ᠲᠡᠮᠦᠷ ᠤᠲᠠᠰᠦ ᠬᠠᠮᠢᠭ᠎ᠠ ᠴᠦ ᠭᠡᠰᠡᠨ ᠪᠠᠶᠢᠬᠤ ᠯᠠ ᠠᠵᠢ᠃      ᠵᠤᠵᠢᠭ ᠨᠠᠩᠵᠢᠳ ᠬᠠᠷᠢᠨ ᠰᠢᠨᠡᠬᠡᠨ ᠠᠪᠤᠭᠰᠠᠨ ᠮᠤᠲ᠋ᠤᠷ ᠢᠶᠠᠨ ᠵᠠᠶᠢᠳᠠᠯᠠᠨ᠂  ᠰᠢᠯᠢ ᠶᠢᠨ ᠲᠤᠤᠷ ᠢᠶᠠᠨ ᠬᠠᠷᠡᠵᠦ ᠶᠠᠪᠤᠨ᠎ᠠ᠃ ︽ᠤᠳᠦ ᠶᠢᠨ ᠬᠦᠮᠦᠨ ᠭᠡᠵᠦ ᠢᠯᠡᠭᠦᠦ ᠬᠠᠷᠠᠵᠦ᠂ ᠪᠢᠯᠡᠭᠦᠦ ᠲᠤᠯᠢᠶᠠᠬᠤ ᠨᠢ ᠬᠡᠴᠡᠭᠦᠦ ᠪᠤᠯᠵᠡᠢ︕ ᠪᠠᠭ᠎ᠠ ᠯᠠ ᠰᠡᠪ ᠬᠢᠪᠡᠯ ᠬᠦᠮᠦᠨ ᠤ ᠲᠤᠤᠷᠠᠨ ᠳᠤ ᠨᠢᠭᠤᠵᠦ ᠬᠠᠪᠴᠢᠭᠠᠳ ᠥᠬᠡᠷ ᠮᠠᠯ ᠢᠶᠠᠨ ᠬᠢᠵᠦ᠂ ᠲᠤᠤᠷ ᠡᠪᠳᠡᠭᠦ ᠳᠡᠭᠡᠨ︾ ᠬᠡᠵᠦ ᠪᠤᠳᠤᠨ ᠶᠠᠪᠤᠳᠠᠯ᠎ᠠ᠂ ᠰᠢᠨᠡᠬᠡᠨ ᠮᠤᠲ᠋ᠤᠷ ᠤᠨ ᠮᠦᠷ ᠤᠯᠵᠦ ᠦᠵᠡᠭᠰᠡᠨ ᠢᠶᠠᠨ ᠬᠦᠲᠦᠯ ᠲᠠᠪᠠᠨ ᠮᠦᠷ ᠮᠦᠰᠬᠢᠳᠡᠯ᠎ᠠ ᠳᠡᠷᠡ ᠴᠠᠭᠠᠨ᠎ᠠ ᠨᠢᠬᠡ ᠮᠤᠲ᠋ᠤᠷ ᠲᠠᠢ ᠬᠦᠮᠦᠨ ᠵᠤᠭᠰᠤᠵᠦ ᠪᠠᠶᠢᠬᠤ ᠢ ᠥᠵᠡᠭᠡᠳ ︽ᠥᠨᠤᠳᠦᠷ ᠴᠢ ᠬᠠᠮᠢᠭ᠎ᠠ ᠲᠤᠲᠠᠭᠠᠬᠤ ᠶᠢ ᠴᠢᠨᠢ ᠥᠵᠡᠶ᠎ᠡ︕︾ ᠭᠡᠵᠦ ᠤᠴᠠᠭᠠᠷᠳᠠᠨ ᠬᠦᠷᠬᠦ ᠳᠤ ᠰᠡᠩᠬᠡᠯᠵᠡᠭᠦᠷ ᠨᠢᠮ᠎ᠠ ᠮᠤᠲ᠋ᠤᠷ ᠤᠷᠤᠯᠲᠤᠴᠢᠬᠠᠭᠰᠠᠨ ᠰᠠᠭᠤᠨ᠎ᠠ᠃      — ᠲᠤᠤᠷᠠᠨ ᠤ ᠡᠭᠦᠳᠡ ᠶᠢ ᠨᠡᠭᠡᠭᠡᠭᠡᠳ ᠴᠢ᠃ ᠶᠠᠭᠤ ᠶᠠᠭᠠᠬᠢᠵᠦ ᠪᠠᠶᠢᠨ᠎ᠠ︖ ᠮᠠᠯ ᠢᠶᠠᠨ ᠬᠢᠬᠡᠳ ᠰᠠᠭᠤᠵᠦ ᠪᠠᠶᠢᠨ᠎ᠠ ᠤᠤ ᠴᠢ︖      — ᠰᠠᠶᠢᠨ ᠤᠤ ᠮᠡᠨᠳᠦ ᠤᠤ ᠴᠦ ᠦᠬᠡᠢ ᠴᠢ ᠴᠢᠨᠢ᠃ ᠶᠠᠮᠠᠷ ᠮᠠᠯ ᠢ ᠴᠢᠨᠢ ᠬᠢᠬᠦ ᠶᠤᠮ︖      — ᠲᠡᠭᠡᠭᠡᠳ ᠴᠢ ᠶᠠᠭᠤᠨ ᠳᠤ ᠶᠠᠪᠤᠵᠦ ᠪᠠᠶᠢᠬᠤ ᠶᠤᠮ ᠪᠤᠢ︖      — ᠴᠢᠮ᠎ᠠ ᠠᠴᠠ ᠶᠠᠭᠤᠨ ᠨᠢᠭᠤᠨ᠎ᠠ᠂ ᠮᠠᠶᠢᠮᠠᠶᠢᠴᠢᠨ ᠸᠠᠩ ᠭᠤᠸᠠᠢ ᠨᠢᠭᠡ ᠴᠢᠨ᠋ᠸ᠎ᠠ ᠤᠯᠤᠭᠠᠳ ᠦᠭ ᠭᠡᠨ᠎ᠠ᠃ ᠲᠡᠭᠡᠭᠡᠳ ᠤᠶᠢᠷ᠎ᠠ ᠳᠤ ᠴᠢᠨᠢ ᠬᠤᠨᠢ ᠮᠠᠯ ᠳᠤ ᠤᠷᠤᠵᠦ ᠪᠠᠶᠢᠨ᠎ᠠ ᠭᠡᠰᠡᠨ ᠴᠢᠮᠡᠭᠡ ᠭᠠᠷᠤᠭᠠᠳ ᠯᠠ ᠪᠠᠶᠢᠨ᠎ᠠ᠃  ᠬᠡᠯᠡᠵᠦ ᠮᠡᠳᠡᠬᠦ ᠶᠤᠮ ᠤᠤ᠂ ᠭᠡᠨᠡᠳᠳᠡ ᠬᠤᠪᠢ ᠢᠷᠤᠭᠡᠯ ᠨᠢ ᠲᠠᠭᠠᠷᠠᠵᠦ᠂ ᠲᠠᠭᠤᠭᠠᠳ ᠠᠯᠠᠴᠢᠬᠠᠬᠤ ᠶᠠᠭᠤ ᠮᠠᠭᠠᠳ ᠭᠡᠳ ᠠᠪᠠ ᠳᠤ ᠭᠠᠷᠤᠭᠰᠠᠨ ᠴᠢᠨᠢ ᠠᠳᠡ ᠢᠷᠡᠭᠡᠳ ᠲᠤᠤᠷᠠᠨ ᠳᠤ ᠳᠡᠬᠡᠬᠡᠯᠡᠭᠳᠡᠬᠡᠳ ᠥᠢᠯᠡ ᠪᠠᠨ ᠥᠵᠡᠵᠦ ᠪᠠᠶᠢᠨ᠎ᠠ ᠰᠢᠳᠡ︕      — ᠴᠢ ᠭᠡᠵᠦ ᠳ᠋ᠡ︕ ᠬᠡᠷᠡᠭ ᠥᠭᠡᠢ ᠶᠠᠭᠤᠮᠠᠨ ᠤ ᠲᠦᠯᠦᠭᠡ ᠰᠡᠩᠬᠡᠯᠵᠡᠨ᠎ᠠ᠃ ᠭᠠᠭᠴᠠᠭᠠᠷ ᠢᠶᠠᠨ ᠴᠢᠨ᠋ᠸ᠎ᠠ ᠠᠪᠠᠯᠠᠨ᠎ᠠ ᠭᠡᠳᠡᠭ ᠴᠢᠨᠢ ᠭᠤᠨᠵᠢ ᠶᠢᠨ ᠵᠤᠭᠤᠭ᠃      ᠵᠤᠵᠢᠭ ᠨᠠᠩᠵᠢᠳ ᠠᠭᠤᠷ ᠨᠢ ᠨᠠᠮᠵᠢᠵᠦ ᠠᠷᠭᠠᠳᠠᠩᠭᠤᠢ ᠬᠡᠯᠡᠬᠦ ᠳᠤ᠄      — ᠨᠢᠭᠡ ᠴᠢᠨ᠋ᠸ᠎ᠠ ᠲᠦᠮᠡ ᠭᠠᠷᠤᠨ᠎ᠠ᠃ ᠨᠠᠳᠠ ᠰᠢᠭ᠋ ᠬᠦᠮᠦᠨ ᠳᠤ ᠪᠤᠯ ᠶᠡᠭᠡ ᠵᠤᠭᠤᠰ᠃ ᠶᠠᠭᠠᠬᠢᠭᠰᠠᠨ ᠴᠦ ᠡᠷᠢᠵᠦ ᠥᠵᠡᠨ᠎ᠡ ᠳ᠋ᠡ︕ ᠭᠡᠵᠤ ᠨᠢᠮ᠎ᠠ ᠰᠢᠢᠳᠮᠡᠬᠡᠢ ᠶᠠᠷᠢᠭᠠᠳ ᠮᠤᠲ᠋ᠤᠷ ᠢᠶᠠᠨ ᠬᠢᠰᠬᠢᠳᠡᠯ᠎ᠠ ᠨᠤᠴᠤᠪᠠ᠃  ᠨᠠᠩᠵᠢᠳ ᠲᠤᠯᠤᠭᠠᠢ ᠰᠡᠭᠰᠤᠷᠡᠨ ᠲᠠᠭᠤ ᠥᠭᠡᠢ ᠬᠠᠷᠠᠵᠦ ᠵᠤᠭᠰᠤᠳᠠᠯ᠎ᠠ᠂ ᠭᠡᠨᠡᠳᠳᠡ ᠬᠠᠮᠢᠭ᠎ᠠ ᠠᠴᠠ ᠶᠤᠮ ᠪᠤᠤ ᠮᠡᠳᠡ᠂  ᠴᠢᠨ᠋ᠸ᠎ᠠ ᠶᠢᠨ ᠪᠠᠷ᠎ᠠ ᠬᠠᠯᠳᠦ ᠬᠠᠷᠠᠭᠳᠠᠬᠤ ᠳᠤ ᠨᠢᠮ᠎ᠠ ︽ᠬᠦᠶ᠋ᠢ︕  ᠴᠢᠨ᠋ᠸ᠎ᠠ︕  ᠨᠤᠬᠠᠢ︕︾  ᠭᠡᠳ  ᠮᠤᠲ᠋ᠤᠷ ᠢᠶᠠᠨ ᠭᠠᠯᠯᠠᠨ ᠲᠠᠪᠬᠢᠯ᠎ᠠ᠃  ᠨᠠᠩᠵᠢᠳ ᠰᠠᠨᠲᠤᠷᠤᠨ ︽ᠡᠨᠡ ᠶᠠᠮᠠᠷ ᠰᠤᠨᠢᠨ ᠶᠤᠮ ᠪᠤᠢ︖ ᠶᠠᠭ ᠲᠠᠭᠠᠷᠠᠨ᠎ᠠ ᠭᠡᠳᠡᠭ ᠴᠢᠨᠢ᠃  ᠯᠠᠪ  ᠬᠡᠯᠡᠯᠴᠡᠭᠡᠨ ᠲᠠᠢ  ᠪᠠᠶᠢᠬ᠎ᠠ︾  ᠭᠡᠳ ᠠᠷᠦ ᠠᠴᠠ ᠨᠢ ᠡᠴᠢᠪᠡ᠃      ᠴᠠᠭᠠᠨ ᠭᠤᠤ ᠶᠢᠨ  ᠡᠮᠦᠨ᠎ᠡ  ᠠᠷᠪᠠ  ᠭᠠᠷᠤᠢ  ᠮᠤᠲ᠋ᠤᠷ᠂  ᠪᠠᠭ᠎ᠠ  ᠲᠡᠷᠭᠡ ᠲᠠᠢ᠂  ᠤᠯᠠᠨ  ᠬᠦᠮᠦᠨ  ᠪᠦᠬᠡᠮᠨᠡᠷᠡᠵᠦ ᠬᠠᠷᠠᠭᠲᠠᠯ᠎ᠠ᠃ ᠲᠤᠮᠳᠠ ᠪᠠᠨ ᠨᠢᠭᠡ ᠲᠤᠯᠤᠭᠠᠢ ᠥᠭᠡᠢ ᠴᠢᠨ᠋ᠸ᠎ᠠ ᠶᠢ ᠬᠡᠲᠦᠨ ᠲᠡᠶᠢᠰᠢ ᠰᠠᠯᠭᠠᠨ ᠲᠤᠶᠠᠴᠢᠵᠥ᠂  ︽ᠰᠦᠷᠦᠭ ᠴᠢᠨ᠋ᠸ᠎ᠠ︾ ᠢᠳᠡᠰᠢ ᠪᠤᠯᠢᠶᠠᠯᠲᠤᠵᠥ ᠪᠠᠶᠢᠬᠤ ᠰᠢᠭ᠋ ᠪᠠᠶᠢᠯ᠎ᠠ᠃  ᠬᠠᠯᠠᠭᠤᠨ ᠴᠢᠰᠤ ᠪᠠᠷ ᠨᠢ ᠠᠮᠠ ᠪᠠᠨ ᠵᠠᠶᠢᠯᠠᠭᠰᠠᠨ ᠪᠤᠯᠤᠯᠲᠠᠢ ᠨᠢᠬᠡ ᠨᠢ ᠤᠭᠰᠢᠭᠤᠯᠤᠨ ᠰᠠᠨᠳᠤᠷᠴᠦ ᠪᠠᠶᠢᠪᠠᠴᠦ ᠦᠯᠡᠳᠡᠭᠰᠡᠨ ᠰᠡᠭ ᠠᠴᠠ ᠨᠢ ᠪᠠᠰᠠ ᠠᠪᠤᠨ᠎ᠠ ᠭᠡᠵᠤ ᠪᠠᠷᠬᠢᠷᠡᠨ᠎ᠠ᠃  ᠲᠡᠮᠡᠢ ᠤᠲᠠᠭᠰᠠᠨ ᠥᠭᠡᠢ ᠰᠡᠭ ᠴᠤ ᠦᠯᠡᠳᠡᠭᠰᠡᠨ ᠦᠬᠡᠢ᠂ ᠤᠩᠭᠠᠰᠤᠨ ᠳᠤ ᠪᠤᠭᠤᠭᠳᠠᠭᠰᠠᠨ ᠬᠤᠨᠢ ᠮᠠᠯ ᠤᠨ ᠰᠢᠩᠭᠡᠵᠦ ᠵᠠᠪᠲᠤᠭᠰᠠᠨ ᠥᠭᠡᠢ ᠴᠢᠨ᠋ᠸ᠎ᠠ ᠶᠢᠨ ᠢᠯᠭᠠᠳᠠᠰᠦ ᠯᠡ ᠥᠯᠡᠲᠡᠪᠠ᠃ ᠡᠭᠦᠨ ᠢ ᠬᠠᠷᠠᠭᠰᠠᠨ ᠵᠤᠵᠢᠭ ᠨᠠᠩᠵᠢᠳ᠄  ︽ᠭᠡᠭᠡᠷ᠎ᠡ ᠶᠢᠨ ᠬᠢ ᠤᠤ︖ ᠭᠡᠷ ᠤᠨ ᠬᠢ ᠤᠤ︖ ᠲᠤᠯᠤᠭᠠᠢ ᠨᠢ ᠶᠠᠭᠠᠬᠢᠭᠰᠠᠨ ᠪᠤᠢ︖︾ ᠬᠡᠬᠦ ᠳᠤ᠄ ︽ᠨᠢᠮ᠎ᠠ ᠭᠤᠸᠠᠢ ᠠᠪᠤᠭᠠᠳ ᠶᠠᠪᠤᠴᠢᠬᠠᠭᠰᠠᠨ ᠰᠢᠤ︕ ᠮᠥᠨ ᠴᠦ ᠬᠤᠷᠳᠤᠨ ᠤᠭᠲᠤᠯᠵᠦ ᠠᠪᠴᠤ ᠳ᠋ᠠ︾ ᠭᠡᠵᠦ ᠠᠳᠠᠭᠠᠷᠬᠠᠨ᠎ᠠ᠃ ︽ᠡᠨᠡ ︿ᠰᠠᠶᠢᠨ ᠡᠷ᠎ᠡ﹀ ᠬᠠᠮᠢᠭ᠎ᠠ ᠠᠴᠠ ᠢᠷᠡᠭᠰᠠᠨ ᠪᠣᠯ ᠳ᠋ᠠ︕  ᠰᠠᠶᠢᠨ  ᠲᠦᠢᠪᠡᠭᠡᠵᠦ᠂  ᠰᠠᠶᠢᠨ  ᠴᠦ  ᠪᠠᠷᠢᠭᠰᠠᠨ  ᠰᠢᠤ︾  ᠬᠡᠵᠦ ᠤᠯᠠᠭᠤᠯᠡ ᠶᠠᠷᠢᠯᠴᠠᠨ ᠪᠤᠴᠠᠵᠠᠭᠠᠯ᠎ᠠ᠃ ᠮᠠᠷᠭᠠᠰᠢ ᠠᠴᠠ ᠨᠢ ᠡᠬᠢᠯᠡᠬᠡᠳ ᠬᠡᠰᠡᠭ ᠮᠠᠯᠴᠢᠳ ᠴᠢᠨ᠋ᠸ᠎ᠠ ᠨᠤᠬᠠᠢ ᠠᠴᠠ ᠠᠶᠤᠬᠤ ᠶᠠᠭᠤᠮ᠎ᠠ ᠥᠭᠡᠢ᠂ ᠵᠤᠷᠢᠭᠤᠳᠡ ᠬᠤᠨᠢ ᠮᠠᠯ ᠢᠶᠠᠨ ᠲᠤᠷ᠎ᠠ ᠪᠠᠷ ᠨᠢ ᠲᠠᠯᠪᠢᠵᠦ ᠡᠬᠢᠯᠡᠭᠰᠡᠨ ᠨᠢ ᠴᠠᠭᠠᠨ᠎ᠠ ᠪᠠᠨ ᠨᠢᠬᠡ ᠯᠡ ᠤᠴᠢᠷ ᠲᠠᠢ᠃  
 
ᠢᠷᠡᠯᠲᠡ᠄ ᠠᠷᠠᠳ ᠤᠨ ᠰᠥᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠵᠡᠬᠦᠳᠤ ᠳᠡᠷᠭᠡᠯᠰᠢᠭᠰᠡᠨ ᠬᠦᠳᠡᠭᠡ
ᠪᠢ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号