ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠢᠨ᠎ᠡ ᠬᠦᠳᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠨᠢᠭᠤᠴᠠᠭᠠᠢ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2019-01-15
                                             ᠪᠦᠬᠡᠴᠢᠯᠡᠭᠤ      ᠴᠠᠭ ᠢ ᠲᠠᠨᠢᠭᠰᠠᠨ ᠪᠦᠷᠬᠦᠳ ᠴᠦᠢᠯᠵᠦ ᠦᠭᠡᠳᠡ ᠪᠠᠨ ᠨᠢᠰᠬᠦ ᠳᠤ      ᠴᠡᠩᠭᠡᠷ ᠬᠦᠭᠡ ᠲᠡᠭᠷᠢ      ᠲᠡᠦᠭᠡ ᠶᠢᠨ ᠲᠤᠪᠴᠢᠶᠠᠨ ᠰᠢᠭ᠋ ᠨᠢᠭᠤᠴᠠᠭᠠᠢ      ᠬᠠᠮᠤᠭ ᠰᠡᠭᠦᠯᠴᠢ ᠶᠢᠨ ᠭᠡᠷᠡᠯ ᠢᠶᠠᠷ ᠢᠶᠠᠨ ᠬᠠᠷᠠᠩᠭᠤᠢ ᠶᠢ ᠰᠤᠯᠢᠷ ᠭᠡᠶᠢᠭᠦᠯᠬᠦ ᠳᠤ              ᠬᠠᠩᠬᠤᠯᠳᠠᠯ᠎ᠠ ᠴᠡᠴᠡᠭᠯᠡᠭᠰᠡᠨ ᠴᠢᠯᠠᠭᠤᠳ                ᠬᠠᠶᠠᠭᠠᠷᠠᠬᠤ ᠦᠤᠷ ᠰᠢᠭ ᠨᠢᠭᠤᠴᠠᠭᠠᠢ      ᠤᠰᠤᠨ ᠤ ᠲᠤᠷᠭᠠᠨ ᠮᠡᠳᠡᠷᠡᠮᠵᠢ ᠡᠪᠡᠰᠦᠨ ᠤ ᠰᠤᠳᠠᠰᠤ ᠪᠠᠷ ᠬᠦᠶᠦᠬᠦ ᠳᠤ                ᠤᠷᠭᠤᠭ᠎ᠠ ᠪᠤᠰᠤᠭ᠎ᠠ ᠬᠠᠳᠠ                ᠦᠭᠡ ᠭᠡᠯᠡ ᠰᠢᠭ ᠨᠢᠭᠤᠴᠠᠭᠠᠢ                        ᠰᠠᠷᠠᠨ ᠤ ᠮᠦᠩᠬᠦᠨ ᠡᠭᠡᠰᠢᠭ ᠰᠡᠳᠭᠢᠯ ᠢ ᠭᠡᠭᠡᠯᠡᠵᠦ ᠪᠠᠭᠤᠬᠤ ᠳᠤ                ᠰᠦᠷᠦᠭ ᠠᠳᠤᠭᠤᠨ ᠤ ᠦᠤᠷᠰᠡᠯᠳᠡ                ᠰᠢᠯᠦᠭ ᠤᠨ ᠤᠩᠭᠤᠳ ᠰᠢᠭ᠋ ᠨᠢᠭᠤᠴᠠᠭᠠᠢ                        ᠨᠦᠢᠷ ᠠᠴᠠ ᠪᠠᠨ ᠰᠡᠷᠢᠭᠰᠡᠨ ᠲᠤᠯᠤᠭᠠᠳ ᠦᠨᠳᠡᠯᠵᠡᠬᠦ ᠳᠤ                ᠨᠠᠷᠢᠳ ᠤᠨ ᠭᠤᠤᠯ ᠤᠨ ᠰᠢᠷᠤᠩᠬᠠᠢ                ᠨᠠᠶᠢᠷᠠᠯ ᠬᠦᠭᠵᠢᠮ ᠰᠢᠭ ᠨᠢᠭᠤᠴᠠᠭᠠᠢ                        ᠨᠢᠳᠦᠨ ᠤ ᠦᠵᠦᠭᠦᠷ ᠲᠤᠷᠤᠯᠵᠠᠬᠤ ᠨᠡᠭᠦᠳᠡᠯ ᠤᠨ ᠡᠭᠦᠯᠡ ᠪᠤᠷᠤᠭᠠᠯᠠᠬᠤ ᠳᠤ                ᠨᠤᠮᠤᠯᠠᠵᠦ ᠲᠠᠳᠠᠭᠰᠠ ᠰᠤᠯᠤᠩᠭ᠎ᠠ                ᠬᠦᠰᠡᠯ ᠮᠦᠷᠦᠭᠡᠳᠦᠯ ᠰᠢᠭ ᠨᠢᠭᠤᠴᠠᠭᠠᠢ                        ᠡᠷᠳᠡᠨ ᠤ ᠵᠢᠷᠤᠭ ᠠᠭᠤᠯᠠ ᠬᠠᠳᠠ ᠶᠢ ᠠᠮᠢᠯᠠᠭᠤᠯᠬᠤ ᠳᠤ                ᠡᠵᠡᠨ ᠤ ᠬᠤᠶᠠᠷ ᠵᠠᠭᠠᠯ                ᠲᠤᠮᠤᠭ ᠲᠤᠤᠯᠢ ᠰᠢᠭ᠋ ᠨᠢᠭᠤᠴᠠᠭᠠᠢ                        ᠢᠨᠢᠶᠡᠵᠦ ᠤᠭᠳᠤᠭᠰᠠᠨ ᠪᠦᠰᠡᠭᠦᠢ ᠶᠢᠨ ᠬᠠᠷᠡᠴᠡ ᠲᠡᠭᠡᠷ᠎ᠡ ᠲᠤᠰᠬᠤ ᠳᠤ                ᠢᠭᠳᠦᠯᠵᠦ ᠤᠪᠤᠯᠵᠠᠭᠰᠠᠨ ᠵᠢᠷᠦᠭᠡ                ᠢᠷᠭᠤᠢ ᠲᠡᠯᠭᠡᠷᠡᠬᠦ‍ ᠰᠢᠭ ᠨᠢᠭᠤᠴᠠᠭᠠᠢ                        ᠬᠠᠶᠢᠷ᠎ᠠ ᠶᠢᠨ ᠢᠶᠠᠨ ᠡᠷᠭᠡᠨ ᠳᠤ ᠴᠢᠨ᠋ᠸ᠎ᠠ ᠬᠠᠯᠢᠯ ᠠᠴᠠ ᠨᠢᠰᠴᠦ ᠪᠠᠭᠤᠬᠤ ᠳᠤ              ᠬᠦᠩᠭᠢᠨᠡᠵᠦ ᠲᠡᠯᠡᠷᠡᠭᠰᠡᠨ ᠴᠤᠤᠷᠢᠶ᠎ᠠ                ᠬᠦᠭᠡᠮᠡᠢ ᠶᠢᠨ ᠠᠶᠠᠯᠭᠤ ᠰᠢᠭ᠋ ᠨᠢᠭᠤᠴᠠᠭᠠᠢ                        ᠨᠢᠭᠤᠴᠠᠭᠠᠢ᠂ ᠨᠢᠭᠤᠴᠠᠭᠠᠢ                ᠨᠠᠷᠠᠯᠠᠭ ᠬᠤᠷᠸ᠎ᠠ ᠶᠢᠨ ᠶᠠᠭᠤ ᠪᠦᠬᠦᠨ ᠨᠢᠭᠤᠴᠠᠭᠠᠢ                ᠨᠠᠷᠠ ᠰᠠᠷᠠ ᠬᠤᠶᠠᠷ ᠤᠨ ᠲᠤᠷᠠᠯᠠᠯ ᠨᠢ ᠬᠦᠷᠳᠡᠯ᠎ᠡ ᠨᠢᠭᠤᠴᠠᠭᠠᠢ᠃    
  
ᠢᠷᠡᠯᠲᠡ᠄ ᠠᠷᠠᠳ ᠤᠨ ᠰᠣᠨᠢᠨ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠰᠠᠯᠬᠢᠨ ᠤ ᠠᠶᠠᠯᠭᠤ
ᠵᠡᠬᠦᠳᠤ ᠳᠡᠷᠭᠡᠯᠰᠢᠭᠰᠡᠨ ᠬᠦᠳᠡᠭᠡ
ᠪᠢ
ᠰᠦᠷᠦᠭ ᠴᠢᠨ᠋ᠸ᠎ᠠ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号