| ᠵᠣᠬᠢᠶᠠᠭᠴᠢ᠄ ᠨᠠ᠊ · ᠥᠯᠵᠡᠶᠢᠳᠡᠯᠭᠡᠷ | | ᠬᠠᠳᠠᠨ ᠤ ᠬᠤᠩᠬᠤᠯ ᠤᠨ ᠴᠡᠩᠬᠡᠷ ᠤᠰᠤᠨ | ᠮᠥᠩᠬᠡ ᠶᠢᠨ ᠤᠰᠤᠨ ᠪᠣᠯᠤᠭᠠᠰᠠᠢ | ᠬᠠᠰ ᠤᠨ ᠴᠠᠭᠠᠨ ᠭᠠᠷ ᠤᠨ ᠴᠢᠨᠢ ᠠᠯᠠᠭᠠ | ᠮᠥᠩᠭᠦᠨ ᠠᠶᠠᠭᠠ ᠥᠭᠡᠷᠡ ᠦᠦ ᠳ᠋ᠡ | | ᠬᠠᠨᠠᠷᠠᠵᠤ ᠰᠠᠭᠤᠭᠰᠠᠨ ᠡᠷᠲᠡᠨ ᠤ ᠬᠡᠷᠡᠮ | ᠬᠠᠭᠠᠨ ᠲᠥᠷᠦ ᠶᠢᠨ ᠮᠢᠨᠢ ᠭᠡᠷᠡᠴᠢ ᠶᠤᠮ | ᠬᠠᠷᠠᠬᠠᠨ ᠨᠢᠳᠦ ᠲᠠᠢ ᠴᠢᠨᠤ ᠮᠢᠨᠢ ᠠᠭᠠᠯᠢ | ᠬᠠᠲᠤᠨ ᠤᠬᠠᠭᠠᠨ ᠤ ᠰᠤᠤ ᠶᠤᠮ | | ᠠᠰᠬᠠ ᠶᠢᠨ ᠬᠤᠩᠬᠤᠷ ᠤᠨ ᠴᠡᠩᠬᠡᠷ ᠤᠰᠤᠨ | ᠠᠮᠢᠳᠤ ᠶᠢᠨ ᠷᠠᠰᠢᠶᠠᠨ ᠪᠠᠶᠢᠭᠠᠰᠠᠢ | ᠠᠩᠭᠢᠷ ᠳᠤᠯᠠᠭᠠᠬᠠᠨ ᠭᠠᠷ ᠤᠨ ᠴᠢᠨᠢ ᠠᠯᠠᠭᠠ | ᠠᠯᠲᠠᠨ ᠠᠶᠠᠭᠠ ᠥᠭᠡᠷᠡ ᠦᠦ ᠳ᠋ᠡ | | ᠬᠠᠳᠠᠨ ᠳᠤ ᠰᠡᠶᠢᠯᠦᠭᠰᠡᠨ ᠰᠢᠲᠠᠷᠠ ᠶᠢᠨ ᠬᠥᠯᠭᠡ | ᠬᠠᠨ ᠲᠩᠷᠢ ᠶᠢᠨ ᠨᠢᠭᠤᠴᠠ ᠶᠤᠮ | ᠬᠠᠷᠠᠬᠤ ᠠᠴᠠ ᠢᠯᠳᠠᠮ ᠴᠢᠨᠤ ᠮᠢᠨᠢ ᠬᠠᠶᠢᠷᠠ | ᠬᠠᠯᠠᠭᠤᠨ ᠵᠢᠷᠦᠬᠡᠨ ᠤ ᠳᠠᠭᠤᠤ ᠶᠤᠮ | | | ᠴᠡᠭᠡᠨᠡ ᠶᠢᠨ ᠴᠡᠴᠡᠭ ᠳᠡᠯᠭᠡᠷᠡᠭᠰᠡᠨ | ᠴᠡᠩᠬᠡᠷ ᠬᠥᠨᠳᠡᠢ ᠬᠠᠮᠢᠭᠠᠭᠤᠷ ᠪᠣᠢ︖ | ᠴᠡᠴᠡᠨ ᠴᠡᠯᠮᠡᠭ ᠦᠷᠡ ᠯᠡ ᠮᠢᠨᠢ | ᠴᠡᠩᠬᠡᠷ ᠬᠥᠨᠳᠡᠢ ᠶᠢᠨ ᠠᠯᠢᠬᠠᠨ ᠳᠤ ᠪᠣᠢ︖ | | ᠴᠡᠯᠭᠡᠮᠡ ᠨᠣᠭᠤᠭᠠᠨ ᠵᠤᠨ ᠨᠢ | ᠴᠡᠩᠬᠡᠷ ᠤᠰᠤᠨ ᠮᠡᠯᠮᠡᠢ ᠲᠠᠢ | ᠴᠡᠪᠡᠷᠬᠡᠨ ᠴᠢᠮᠠᠢᠢ ᠪᠠᠨ ᠰᠠᠨᠠᠭᠰᠠᠭᠠᠷ ᠪᠠᠶᠢᠵᠤ | ᠴᠡᠭᠡᠵᠢᠨ ᠳᠣᠲᠤᠷᠠ ᠴᠡᠴᠡᠭᠡᠢ ᠲᠠᠢ | | ᠤᠷᠠᠨ ᠰᠢᠯᠦᠭ ᠤᠨ ᠮᠢᠨᠢ ᠱᠠᠳ ᠤᠳ ᠢ | ᠤᠩᠰᠢᠭᠰᠠᠭᠠᠷ ᠥᠰᠦᠭᠰᠡᠨ ᠦᠷᠡ ᠯᠡ ᠮᠢᠨᠢ | ᠤᠬᠠᠭᠠᠨ ᠤ ᠲᠤᠩᠭᠠᠯᠠᠭ ᠱᠠᠲᠤ ᠨᠤᠭᠤᠳ ᠢ | ᠥᠭᠰᠦᠭᠰᠡᠭᠡᠷ ᠦᠯᠡᠳᠡᠬᠦ ᠬᠠᠶᠢᠷᠠ ᠯᠡ ᠮᠢᠨᠢ | | ᠦᠦᠷ ᠢᠶᠠᠷ ᠲᠡᠷᠯᠡᠭᠰᠡᠨ ᠳᠠᠭᠤᠤ ᠮᠢᠨᠢ | ᠦᠨᠡᠭᠡᠨ ᠬᠠᠷᠠᠩᠭᠤᠢ ᠠᠴᠠ ᠡᠬᠢᠯᠡᠯ ᠲᠠᠢ | ᠥᠵᠦᠭᠦᠷ ᠤᠨ ᠬᠤᠯᠠ ᠳᠤ ᠳᠠᠭᠤᠷᠢᠰᠤᠨᠠ ᠭᠡᠳ | ᠦᠢᠲᠠᠩ ᠯᠢᠩᠬᠸᠠ ᠡᠮᠵᠢᠶᠡᠷᠢ ᠲᠠᠢ | | ᠥᠷᠭᠡᠨ ᠬᠠᠩᠭᠠᠢ ᠨᠤᠲᠤᠭ ᠤᠨ ᠢᠶᠠᠨ | ᠥᠯᠮᠡᠢ ᠬᠦᠷᠦᠭᠰᠡᠨ ᠵᠦᠯᠭᠡᠨ ᠳᠤ ᠴᠢᠨᠢ | ᠥᠷᠦᠮᠡ ᠶᠢᠨ ᠬᠤᠯᠠᠭᠠᠶᠢᠴᠢ ᠶᠢᠨ ᠵᠢᠭᠦᠷᠦᠨ ᠳᠡᠭᠡᠷᠡ | ᠥᠨᠦᠴᠢᠨ ᠰᠢᠭᠦᠳᠡᠷᠢ ᠪᠥᠮᠪᠦᠯᠵᠡᠨᠡ ᠦᠦ︖ | | ᠨᠢᠯᠬᠠ ᠶᠢᠨ ᠥᠨᠦᠷ ᠢ ᠴᠢᠨᠢ ᠰᠢᠩᠭᠡᠭᠡᠭᠰᠡᠨ | ᠰᠣᠳᠤᠨ ᠨᠠᠶᠢᠷᠠᠭ ᠤᠨ ᠰᠤᠪᠤᠳ ᠤᠤ ᠳ᠋ᠠ︖ | ᠰᠣᠷᠮᠤᠤᠰᠤᠨ ᠳᠤ ᠲᠣᠷᠤᠭᠰᠠᠨ ᠨᠢᠯᠪᠤᠰᠤ ᠰᠢᠭ᠋ | ᠰᠤᠭᠤᠷᠠᠵᠤ ᠲᠠᠰᠤᠷᠭᠠᠳ ᠪᠥᠮᠪᠦᠷᠢᠨᠡ ᠦᠦ︖ | | ᠴᠠᠨᠠ ᠶᠢᠨ ᠴᠡᠴᠡᠭ ᠳᠡᠯᠭᠡᠷᠡᠭᠰᠡᠨ | ᠴᠠᠭᠠᠨ ᠬᠤᠲᠠ ᠨᠢ ᠬᠠᠮᠢᠭᠠᠭᠤᠷ ᠪᠣᠢ︖ | ᠴᠠᠮᠢᠨ ᠭᠠᠩᠭᠠᠩ ᠬᠦᠦ ᠯᠡ ᠮᠢᠨᠢ | ᠴᠠᠭᠠᠨ ᠬᠤᠲᠠ ᠶᠢᠨ ᠠᠯᠢᠬᠠᠨ ᠳᠤ ᠪᠣᠢ︖ | | ᠦᠯᠢᠭᠡᠷ ᠤᠨ ︽ᠬᠠᠭᠠᠨ ᠪᠠᠯᠭᠠᠰᠤ︾ ᠨᠢ | ᠥᠨᠳᠦᠷ ᠴᠠᠭᠠᠨ ᠰᠦᠮᠡ ᠲᠠᠢ | ᠦᠷᠡ ᠯᠡ ᠴᠢᠮᠠᠢᠢ ᠪᠠᠨ ᠰᠠᠨᠠᠭᠰᠠᠭᠠᠷ ᠪᠠᠶᠢᠵᠤ | ᠡᠪᠴᠢᠭᠦᠨ ᠳᠣᠲᠤᠷᠠ ᠳᠤᠭᠠᠩ ᠲᠠᠢ | | ᠰᠡᠷ ᠰᠡᠷᠬᠡᠨ ᠰᠠᠯᠬᠢᠨ ᠨᠢ | ᠵᠤᠤ ᠶᠢᠨ ᠬᠤᠩᠬᠤᠨ ᠤ ᠴᠤᠤᠷᠢᠶᠠ ᠤᠤ︖ | ᠰᠡᠮ ᠰᠡᠮᠬᠡᠨ ᠭᠡᠭᠡᠯᠵᠡᠬᠦ ᠨᠢ | ᠵᠤᠨ ᠤ ᠠᠭᠤᠯᠠ ᠶᠢᠨ ᠳᠠᠭᠤᠷᠢᠶᠠ ᠤᠤ︖ | | ᠠᠯᠲᠠᠨ ᠳᠡᠭᠡᠪᠦᠷᠢᠲᠦ ᠰᠦᠮᠡ ᠳᠤ | ᠢᠨᠳᠠᠷᠠ ᠬᠤᠲᠤᠭᠲᠤ ᠯᠠᠮᠠ ᠲᠠᠢ | ᠠᠷᠭᠠ ᠦᠭᠡᠢ ᠠᠮᠠᠷᠠᠭ ᠤᠨ ᠴᠡᠭᠡᠵᠢᠨ ᠳᠤ ᠨᠢ | ᠢᠨᠳᠠᠷᠠᠨᠢᠯᠠ ᠡᠷᠳᠡᠨᠢ ᠶᠢᠨ ᠵᠢᠷᠦᠬᠡ ᠲᠠᠢ | | ᠲᠣᠪᠤᠷ ᠲᠣᠪᠤᠷ ᠰᠠᠯᠬᠢᠨ ᠳᠠᠭᠠᠨ | ᠲᠤᠭᠤᠯ ᠢᠶᠠᠨ ᠬᠠᠷᠢᠭᠤᠯᠤᠭᠰᠠᠨ ᠦᠷᠡ ᠯᠡ ᠮᠢᠨᠢ | ᠲᠤᠭᠠ ᠲᠠᠢ ᠲᠣᠨᠵᠢᠬᠠᠨ ᠰᠢᠯᠦᠭ ᠤᠨ ᠮᠢᠨᠢ | ᠲᠣᠮᠤᠭᠠ ᠦᠭᠡᠢ ᠬᠥᠭᠡᠷᠦᠬᠦᠨ ᠳᠠᠭᠢᠨᠢᠰ ᠮᠢᠨᠢ | | ᠦᠮᠦ ᠽᠠᠨᠳᠠᠨ ᠭᠡᠵᠢᠭᠡ ᠴᠢᠨᠢ | ᠥᠷᠯᠦᠭᠡ ᠶᠢᠨ ᠨᠠᠷᠠᠨ ᠤ ᠰᠢᠷᠬᠡᠭ ᠲᠠᠢ | ᠦᠶᠡᠯᠡᠭᠡᠲᠦ ᠲᠠᠩᠭᠢᠰ ᠤᠨ ᠬᠥᠯᠭᠡ ᠶᠢᠨ | ᠦᠯᠦ ᠮᠡᠳᠡᠭᠬᠡᠨ ᠦᠨᠦᠷ ᠲᠠᠢ | | ᠬᠢᠵᠠᠭᠠᠷ ᠦᠭᠡᠢ ᠶᠢᠨ ᠠᠨᠢᠷ ᠢ | ᠬᠠᠶᠢᠷᠠᠲᠠᠢ ᠴᠢᠮᠠ ᠠᠴᠠ ᠪᠠᠨ ᠰᠡᠷᠡᠬᠦ ᠶᠤᠮ | ᠬᠢᠯᠠᠭᠠᠨᠠ ᠪᠥᠬᠦᠯᠵᠡᠭᠰᠡᠨ ᠲᠠᠯᠠ ᠳᠠᠭᠠᠨ | ᠬᠠᠷᠢᠭᠠᠳ ᠣᠴᠢᠮᠠᠷ ᠰᠠᠨᠠᠬᠤ ᠶᠤᠮ | | ᠸᠴᠢᠷᠲᠤ ᠳᠣᠭᠰᠢᠨ ᠪᠠᠯᠭᠠᠳ ᠨᠢ | ᠣᠳᠬᠤ ᠭᠠᠵᠠᠷ ᠢᠶᠠᠨ ᠣᠳᠬᠤ ᠯᠡ ᠶᠤᠮ | ᠣᠳᠤᠨ ᠤ ᠳᠣᠤᠷᠠᠬᠢ ᠽᠮᠪᠤᠯᠢᠩ ᠳᠤ | ᠣᠯᠳᠠᠬᠤ ᠴᠠᠭ ᠲᠠᠭᠠᠨ ᠣᠯᠳᠠᠬᠤ ᠯᠡ ᠶᠤᠮ | | ᠣᠭᠤᠨᠤ ᠶᠢᠨ ᠰᠢᠷᠭᠠᠯ ᠰᠢᠯᠢ ᠳᠡᠭᠡᠷᠡ | ᠬᠡᠭᠡᠷᠡ ᠶᠢᠨ ᠡᠪᠡᠰᠦ ᠨᠢ ᠵᠠᠩ ᠢᠶᠠᠷ ᠢᠶᠠᠨ | ᠣᠨ ᠤᠳᠠᠭᠠᠨ ᠥᠩᠭᠡᠷᠡᠪᠡᠴᠦ | ᠥᠬᠢᠨ ᠦᠷᠡ ᠨᠢ ᠵᠢᠰᠦ ᠪᠠᠷ ᠢᠶᠠᠨ | | ᠨᠣᠭᠤᠭᠠᠨ ᠲᠠᠯᠠ ᠶᠢᠨ ᠢᠶᠠᠨ ᠠᠩᠭᠢᠷᠬᠠᠨ | ᠨᠣᠶᠠᠬᠠᠨ ᠠᠬᠠᠢ ᠦᠷᠡ ᠯᠡ ᠮᠢᠨᠢ | ᠨᠣᠮ ᠲᠠᠢ ᠤᠳᠤᠮ ᠤᠨ ᠦᠨᠳᠦᠰᠦᠬᠡᠨ | ᠨᠢᠯᠪᠤᠰᠤᠲᠤ ᠣᠷᠴᠢᠯᠠᠩ ᠤᠨ ᠬᠠᠶᠢᠷᠠ ᠯᠡ ᠮᠢᠨᠢ︕ | |